महाराष्ट्राची हास्यजत्रा या कार्यक्रमातून घराघरात पोहोचलेली अभिनेत्री नम्रता संभेराव नेहमी चर्चेत असते. विनोदी शैलीमुळे ओळखल्या जाणाऱ्या या अभिनेत्रीने आपल्या आवाजानेही चाहत्यांची मने जिंकली आहेत. नम्रताने नुकताच अंगाई गातानाचा व्हिडीओ सोशल मीडियावर शेअर केला आहे; जो चांगलाच व्हायरल झाला आहे. चाहत्यांकडून तिच्या आवाजाचे कौतुक केले जात आहे.
नम्रता संभेरावने ‘निज निज रे बाळा’ ही अंगाई गातानाचा व्हिडीओ शेअर केला आहे. आणि लिहिलं, ‘ही एक पारंपरिक अंगाई आहे. खूप पूर्वी ऐकली होती, तेव्हापासून रुद्राजला झोपवताना मी ही अंगाई ऐकवते. समस्त आयांना समर्पित.’
हेही वाचा – “आगाऊपणा बघा, तोंड उघडता येत नसले तरी…”; दीप अमावस्येबद्दल केतकी चितळेने केलेली पोस्ट चर्चेत
हेही वाचा – Video : “…अन् त्या एका मिनिटात मी १७ हजार वेळा मेले”, क्रांती रेडकरनं सांगितला अनुभव
नम्रताच्या आवाजात ही अंगाई ऐकून एका नेटकऱ्यानं लिहिलं आहे, ‘वा! काय आवाज आहे. सुरुवातीला मला वाटलं कुठल्या तरी भयपटाचा सीन आहे की काय? बाकी अंगाई गीत खूप छान.’ तर दुसऱ्या नेटकऱ्यानं लिहिलंय, ‘किती सुंदर गातेस नमाताई. खूप सारं प्रेम.’ तसेच तिसऱ्यानं लिहिलंय, “याच गीताचं मी ऐकतं आलेलो व्हर्जन निराळं आहे. ‘बा निज गडे निज गडे लडिवाळा.. निज निज माझ्या बाळा.. सुतार उत्तमसा तुजसाठी आणविला.. पाळणा सुबक सजविला.. चहुबाजूंनी राघु मोर जडविले.. पाळण्यात तुज निजविले…’ “
हेही वाचा – “उगाचच कुणाच्यातरी पदरी…”, ‘बाईपण भारी देवा’च्या यशावर दिग्दर्शक विजू मानेंचे वक्तव्य
दरम्यान, या अंगाईपूर्वी नम्रताने ‘मन तळ्यात मळ्यात जाईच्या कळ्यात’ हे गाणे गातानाच व्हिडीओ सोशल मीडियावर शेअर केला होता. अभिनेत्रीच्या या व्हिडीओनेही चाहत्यांचे लक्ष वेधून घेतले होते.
