छोट्या पडद्यावरील लोकप्रिय कार्यक्रमांपैकी एक ‘महाराष्ट्राची हास्यजत्रा’ हा कार्यक्रम आहे. या कार्यक्रमाचा प्रेक्षक वर्ग फक्त महाराष्ट्र व देशातच नाही, तर जगभरात आहे. गेल्या कित्येक वर्षांपासून या कार्यक्रमातील कलाकार मंडळी प्रेक्षकांना खळखळून हसवण्याचं काम करतं आहेत. या कार्यक्रमातील प्रत्येक कलाकार हा घराघरात पोहोचला आहे आणि प्रत्येक कलाकाराचा एक वेगळा चाहता वर्ग तयार झाला आहे. अशीच एक ‘महाराष्ट्राची हास्यजत्रा’ कार्यक्रमातील लोकप्रिय कलाकार म्हणजे वनिता खरात.
अभिनेत्री वनिता खरातने आपल्या अभिनयाची छाप मराठीसह हिंदी सिनेसृष्टीत उमटवली आहे. वैविध्यपूर्ण भूमिका साकारून तिने प्रेक्षकांच्या मनात अटळ स्थान निर्माण केलं आहे. आता वनिताची एका लोकप्रिय मालिकेत जबरदस्त अशी एंट्री होणार आहे.
हेही वाचा – Video: ‘प्रेमाची गोष्ट’ मालिकेत येणार नवं वळणं; मुक्ता-सागरच्या मैत्रीच्या नात्याची होणार सुरुवात
‘सन मराठी’ वाहिनीवरील ‘सुंदरी’ या लोकप्रिय मालिकेत वनिता खरात झळकणार आहे. एका महत्त्वाच्या भूमिकेत वनिता पाहायला मिळणार आहे. याचा प्रोमो नुकताच ‘सन मराठी’च्या सोशल मीडिया पेजवर शेअर करण्यात आला आहे. ज्यामध्ये वनिताचा डॅशिंग अंदाज दिसत आहे.
हेही वाचा – सोनाली कुलकर्णीच्या आई-वडिलांचे मराठी सिनेसृष्टीत पदार्पण: झळकणार ‘या’ चित्रपटात
हेही वाचा – ‘माझा होशील ना’नंतर विराजस कुलकर्णी व गौतमी देशपांडे पुन्हा झळकणार एकत्र; निमित्त मालिका नव्हे तर….
दरम्यान, वनिताच्या कामाबद्दल बोलायचं झालं तर, तिने यापूर्वी बऱ्याच मराठी मालिकांमध्ये काम केलं आहे. तसंच ती आता ‘एकदा येऊन तर बघा’ या चित्रपटातही झळकणार आहे. २४ नोव्हेंबरला हा चित्रपट प्रदर्शित होणार आहे. यामध्ये वनितासह गिरीश कुलकर्णी, सयाजी शिंदे, भाऊ कदम, तेजस्विनी पंडित, नम्रता संभेराव, प्रसाद खांडेकर, पॅडी कांबळे, ओंकार भोजने, विशाखा सुभेदार, राजेंद्र शिसातकर, शशिकांत केरकर, सुशील इनामदार, रोहित माने अशी तगड्या कलाकारांची मांदियाळी आहे.
