छोट्या पडद्यावरील सगळ्यात लोकप्रिय कार्यक्रमांपैकी एक कार्यक्रम म्हणजे ‘महाराष्ट्राची हास्यजत्रा’. फक्त भारतातच नव्हे तर परदेशातही हा कार्यक्रम प्रेक्षक आवडीने पाहतात. या कार्यक्रमातील कलाकारांवरही प्रेक्षक भरभरुन प्रेम करतात. त्यातीलच एक कलाकार म्हणजे अभिनेत्री शिवाली परब. ‘महाराष्ट्राची हास्यजत्रा’मुळे शिवालीला एक वेगळीच ओळख मिळाली. सोशल मीडियावर कायमच सक्रिय असणारी शिवाली आता एका वेगळ्याच कारणामुळे चर्चेत आली आहे.
शिवाली सोशल मीडियाद्वारे तिचे विविध फोटो व व्हिडीओ शेअर करताना दिसते. आताही तिने एका वेगळ्याच लूकमधील फोटो इन्स्टाग्राम अकाऊंटद्वारे शेअर केले आहेत. या फोटोंमध्ये शिवालीने वेस्टर्न ड्रेस परिधान केला आहे. तसेच तिचा लूकही अगदी वेगळाच दिसत आहे. तिने या ड्रेसवर परिधान केलेली ज्वेलरी विशेष लक्षवेधी ठरत आहे. लांब कानातले, नेकपीस शिवालीने घातला आहे.
शिवाली परबचा संताप
तिचा हा लूक पाहून काहींनी तिचं कौतुक केलं तर काहींना शिवालीचा लूक आवडला नाही. एका नेटकऱ्याने शिवालीची तिच्या लूकवरुन खिल्ली उडवली. मात्र शिवालीला हे अजिबात पटलं नाही. तिने या नेटकऱ्याला कमेंट करत अगदी चोख उत्तर दिलं. “मेकअप मॅनला अतिस्वातंत्र्य दिल्याचे परिणाम” असं एका नेटकऱ्याने म्हटलं.
या कमेंटवर शिवालीने उत्तर दिलं. शिवाली म्हणाली, “माझा मेकअप मीच करते. त्यामुळे काळजी नको”. मेकअपवरुन ट्रोल करणाऱ्याला शिवालीने योग्य ते उत्तर दिलं. तिने शेअर केलेले फोटो हे ‘महाराष्ट्राची हास्यजत्रा’च्या सेटवरील आहेत. स्किटमधील एखाद्या पात्रासाठी तिने हा लूक केला असावा असं दिसत आहे.
