छोट्या पडद्यावरील सगळ्यात लोकप्रिय कार्यक्रमांपैकी एक कार्यक्रम म्हणजे ‘महाराष्ट्राची हास्यजत्रा’. या कार्यक्रमातील कलाकारांवरही सर्वच प्रेक्षक भरभरुन प्रेम करतात. ‘महाराष्ट्राची हास्यजत्रा’ या कार्यक्रमातील कलाकार सध्या अमेरिका दौऱ्यावर आहेत. त्यानिमित्ताने त्यातील एका हास्यवीराने पोस्ट शेअर केली आहे.
मराठमोळा अभिनेता पृथ्वीक प्रताप ‘महाराष्ट्राची हास्यजत्रा’ या कार्यक्रमाच्या माध्यमातून प्रेक्षकांना खळखळून हसवत असतो. नुकतंच त्याने इन्स्टाग्रामवर एक पोस्ट शेअर केली आहे. यावेळी त्याने अमेरिकेतील रस्त्यावर कुर्ता घालून फिरण्याचे कारण सांगितले आहे.
आणखी वाचा : “केसांचा लाल रंग, A अक्षराचे मंगळसूत्र अन्…”, ‘बाईपण भारी देवा’मधील सुचित्रा बांदेकरांच्या लूकची रंगली चर्चा, डिझाईनर म्हणाली…
पृथ्वीक प्रतापची पोस्ट
“अमेरिकेला येण्यासाठी ची सगळी तयारी सुरू असताना आई अचानक म्हणाली ‘मला पण घेऊन चल ना अमेरिकेला’ आणि तिच्या या वाक्यावर तिला काय उत्तर देऊ हे मला कळेच ना…
खूप विचार केला आणि लक्षात आलं की आता सध्या तरी आई ला प्रतिकात्मक रूपे अमेरिकेत घेऊन जाऊ शकतो म्हणून आज न्यूयॉर्क शहर फिरत असताना आईच्या साडी पासून बनवलेला कुर्ता घातला आणि सगळं शहर पिंजून काढलं तेवढच आपलं आई आपल्या सोबत असल्याची फीलिंग.
बाय द वे इथे अमेरिकेत तसं वातावरण थोडं गोंधळात पाडणारं आहे मध्येच ऊन लागत मध्येच पाऊस त्यामुळे तब्येतीवर होणारा परिणाम… त्यात सतत चा प्रवास, लागोपाठ शो यामुळे आलेला थकवा… हे सगळं आज जरा कमी झालं …
कारण ऊन, पाऊस, थकवा, आजारपण हे आपलं काहीच बिघडवू शकत नाही जर आपण आईच्या पदरा खाली असू. मिस यू अम्मातळटीप : लवकरच आई ला अमेरिका वारी घडवेन त्यामुळे चिंता नसावी”, अशी पोस्ट पृथ्वीक प्रतापने केली आहे
दरम्यान पृथ्वीक प्रतापच्या या पोस्टवर अभिनेता स्नेहल शिदमने कमेंट केली आहे. खूप गोड लिहिलंस दादा, असे तिने म्हटले आहे. तर अनेक चाहत्यांनी कमेंट करत हार्ट इमोजी शेअर केले आहेत.
