मराठी चित्रपटसृष्टीत उत्तम चित्रपट निर्माण करीत महत्त्वाचे योगदान देणाऱ्या अनेक दिग्गज व्यक्तींमध्ये महेश कोठारे(Mahesh Kothare)यांचे नाव घेतले जाते. ‘झपाटलेला’, ‘पछाडलेला’, ‘थरथराट’, ‘धडाकेबाज’, ‘धुम धडाका’, ‘माझा छकुला’ अशा अनेक गाजलेल्या चित्रपटांसाठी महेश कोठारे यांना ओळखले जाते. विशेष बाब म्हणजे अभिनयाबरोबरच ते दिग्दर्शन व निर्मिती क्षेत्रातही उत्तम काम करत असल्याचे वेळोवेळी पाहायला मिळते. महेश कोठारे यांचा मुलगा आदिनाथ कोठारे(Adinath Kothare)देखील या क्षेत्रात उत्तम काम करताना दिसत आहे. काही दिवसांपूर्वीच आदिनाथ कोठारे दिग्दर्शित ‘पाणी’ हा चित्रपट प्रदर्शित झाला. त्यावेळी त्याचे मोठे कौतुक होताना दिसले. चाहत्यांसह अनेक कलाकारांनीदेखील त्याचे कौतुक केले होते. महेश कोठारे यांच्या ‘माझा छकुला’ या चित्रपटात आदिनाथने बालकलाकाराची भूमिका साकारली होती, तर ‘झपाटलेला २’ मध्येही आदिनाथ महत्त्वाच्या भूमिकेत दिसला होता. आता बाप-लेकाची ही जोडी पुन्हा एकदा एकत्र प्रेक्षकांचे मनोरंजन करताना दिसणार आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
