झी मराठी वाहिनीवरील ‘माझी तुझी रेशीमगाठ’ मालिकेमुळे बालकलाकार मायरा वैकुळ घराघरांत पोहोचली. आता तर ती सगळ्यांचीच लाडकी झाली आहे. मायराचं बोलणं, तिचं हसणं सगळं काही प्रेक्षकांना आवडतं. अगदी लहान वयात ती करत असलेला अभिनय तर कौतुकास्पदच आहे. सोशल मीडियावरही तिचे बरेच व्हिडीओ व्हायरल होताना दिसतात. आता असाच एक मायराचा व्हिडीओ व्हायरल होत आहे.
आणखी वाचा – Video : ‘तू तेव्हा तशी’ मालिकेच्या ‘त्या’ सीनदरम्यान झाली मोठी चूक? लग्न न करताच अनामिकाने…
मायरा चित्रीकरणामधून वेळ काढत विविध रिल्स व्हिडीओ बनवताना दिसते. काही कार्यक्रमांनाही ती उपस्थित असते. मायराने यापूर्वी विविध मॅरेथॉन स्पर्धांमध्येही सहभाग घेतला होता. यादरम्यानच्या व्हि़डीओ मायराच्या आईने तिच्या सोशल मीडिया अकाऊंटद्वारे शेअर केला.
मायरा अगदीच लहान असताना तिने आई-वडिलांसह मॅरेथॉनमध्ये सहभाग घेत नवा रेकॉर्ड ब्रेक केला. मायराच्या आईने म्हटलं की, “इन्स्टाग्रामने पुन्हा एकदा जुन्या आठवणींना उजाळा दिला आहे. म्हणून हा व्हिडीओ शेअर करत आहे.”
मायराचा हा व्हिडीओ पाहून नेटकऱ्यांनी तिचं तोंड भरून कौतुक केलं आहे. मायरा सगळे रेकॉर्ड ब्रेक करणार, मायरा आम्हाला तुझा अभिमान आहे, मायरा तुला खूप प्रेम अशा अनेक कमेंट नेटकऱ्यांनी केल्या आहेत. तसेच अनेकांनी तिच्या या व्हिडीओला पसंती दर्शवली आहे.
