सोनी मराठी वाहिनीवरील सर्वच मालिका कायमच चर्चेत असतात. या मालिकांमधील सर्वच पात्र हे कायमच प्रसिदधीझोतात असतात. आता सध्या सोनी मराठीवरील एका मालिकेची चर्चा सुरु आहे. या मालिकेत एक प्रसिद्ध लोकप्रिय अभिनेता स्त्रीपात्र साकारणार आहे. नुकतंच याचा प्रोमोही समोर आला आहे. सोनी मराठीवर लवकरच 'प्रतिशोध - झुंज अस्तित्वाची...' ही नवी मालिका सुरु होणार आहे. नुकतंच या मालिकेचा प्रोमो समोर आला आहे. या प्रोमोत एक मुलगी आणि तिची आई सोन्याच्या दागिन्यांच्या दुकानात दागिने खरेदी करताना दिसत आहे. यावेळी ती मुलगी दागिने खरेदी करत असताना अचानक काही माणसं येऊन त्या बाईला गाडीत टाकून घेऊन जातात, असे या प्रोमोत पाहायला मिळत आहे. या मालिकेत एका स्त्रीपात्राची भूमिका पुरुष कलाकार साकारत आहे. अभिनेता अमोल बावडेकर हा या मालिकेत स्त्रीपात्र साकारताना दिसणार आहे. एका तरुण मुलीच्या आईचे पात्र अमोल रंगवणार आहे. आणखी वाचा : “हीच हास्यजत्रेची गंमत आहे…” ‘महाराष्ट्राची हास्यजत्रा’मधील कलाकाराचा अप्रत्यक्ष टोला अमोलने स्वत:च्या सोशल मीडियावरून या मालिकेचा फर्स्ट लूक चाहत्यांसाठी शेअर केला आहे. त्याचा हा लूक पाहून अनेकजण आश्चर्यचकित झाले आहेत. काहींनी त्याच्या या लूकला चांगलीच पसंती दिली आहे. ही मालिका येत्या १६ जानेवारीपासून सुरु होणार आहे. रात्री १० वाजता ही मालिका प्रक्षेपित केली जाणार आहे. आणखी वाचा : Video : उर्फी जावेद चक्क साडी नेसून पोहोचली विमानतळावर, वाऱ्यामुळे पदर सरकला अन्… दरम्यान अमोल बावडेकरने आतापर्यंत चित्रपट, नाटक आणि मालिका सगळ्याच माध्यमात अनेक विविधांगी भूमिका साकारल्या आहेत. अलीकडेच त्याचा पांघरुण हा चित्रपट प्रेक्षकांच्या भेटीला आला. या चित्रपटातील त्याच्या भूमिकेने प्रेक्षकांची वाहवा मिळवली होती. त्याच्या डोळ्यांमधली सात्विकता, त्याची शब्दफेक, भगवंताची भजनं गातानाची तल्लीनता ते सारं पाहताना आपल्याही चेहऱ्यावर प्रसन्न भाव उमटतात, अशी प्रतिक्रिया अनेक प्रेक्षक देताना पाहायला मिळाले.
