मराठी मनोरंजनसृष्टीतील एक लोकप्रिय जोडपं म्हणून अभिनेता हार्दिक जोशी आणि अक्षया देवधर म्हणून ओळखले जाते. हार्दिक आणि अक्षया २ डिसेंबर २०२२ ला लग्नबंधनात अडकले. आज त्यांच्या लग्नाला एक वर्ष पूर्ण झाले आहे. यानिमित्ताने अक्षया देवधर आणि हार्दिक जोशी यांनी एकमेकांना शुभेच्छा दिल्या आहेत.
हार्दिक जोशीने नुकतंच इन्स्टाग्रामवर लग्नातील काही खास फोटो पोस्ट शेअर केले आहेत. या फोटोला कॅप्शन देताना त्याने अक्षयाला लग्नाच्या वाढदिवसाच्या शुभेच्छा दिल्या आहेत. “तू माझ्या आयुष्यातील सर्वात मोठी भेट आहेस. लग्नाला एक वर्ष पूर्ण झाल्यानिमित्त खूप खूप शुभेच्छा”, असे हार्दिकने म्हटले आहे.
आणखी वाचा : “मानसी नाईकने तुझ्यावर आरोप केले, पण…”, ‘चंद्रमुखी’च्या वादावर चाहतीचा प्रश्न; अमृता खानविलकर म्हणाली…
तसेच अक्षयानेही हार्दिकसाठी एक खास पोस्ट केली आहे. तिने हार्दिकसोबतचे तीन खास फोटो यावेळी शेअर केले आहेत. त्या फोटोला कॅप्शन देताना तिने लग्नाच्या वाढदिवसानिमित्त शुभेच्छा दिल्या आहेत.
“एक वर्ष पूर्ण झाले, अजून खूप वर्ष बाकी आहेत. लग्नाच्या वाढदिवसाच्या शुभेच्छा हार्दिक. माझा नवरा, माझा जोडीदार, माझा प्रियकर आणि माझा जिवलग मित्र झाल्याबद्दल धन्यवाद. मी तुझ्यावर खूप प्रेम करते”, असे हार्दिकने म्हटले आहे.
त्या दोघांच्या या पोस्टनंतर मराठी सिनेसृष्टीतील अनेक कलाकारांनी त्यांना शुभेच्छा दिल्या आहेत. अभिनेत्री श्रेया बुगडने “माझे करण-अर्जुन तुम्हाला लग्नाच्या वाढदिवसाच्या शुभेच्छा”, अशी कमेंट यावर केली आहे. तर हार्दिकने या कमेंटवर उत्तर देताना ‘आय लव्ह यू’ असे म्हटले आहे.