गणेशोत्सव अवघ्या काही दिवसांवर येऊन ठेपला आहे. प्रत्येक जण आपल्या लाडक्या बाप्पाच्या आगमनासाठी आतुर झाले आहेत. सर्वसामान्यांपासून सेलिब्रेटींपर्यंत सर्वत्र गणेशोत्सवाची लगबग सुरु असल्याचे पाहायला मिळत आहे. दरवर्षीप्रमाणे यंदाही मराठी कलाकार वेळात वेळ काढून ढोल पथकांचा सराव करताना दिसत आहे.
मराठमोळा अभिनेता तेजस बर्वेने नुकतंच इन्स्टाग्रामवर एक पोस्ट शेअर केली आहे. या पोस्टमध्ये त्याने एक व्हिडीओ शेअर केला आहे. या व्हिडीओत तो ढोल-ताशा पथकाचा सराव करताना दिसत आहे.
आणखी वाचा : “लक्ष्या काकांचा तो वारसा मी चालवला”, आदिनाथ कोठारेने सांगितली खास आठवण, म्हणाला “ते सेटवर आले की…”
या व्हिडीओच्या सुरुवातीला तो कंबरेला ताशा बांधताना दिसत आहे. त्याबरोबरच तो ढोल-ताशा पथकाबरोबर सराव करताना दिसत आहे. यावेळी त्याच्या टीशर्टवर एकच नशा ढोल ताशा असे लिहिल्याचेही दिसत आहे. या व्हिडीओला त्याने ‘वादनवेड’ असे कॅप्शन दिले आहे. तसेच त्याने यंदाचे सराव सत्र सुरु असल्याचेही सांगितले आहे.
आणखी वाचा : “खरी शिवसेना कोणाची? शिंदेंची की ठाकरेंची?”; अभिजीत बिचुकले म्हणाला “शिवरायांचं नाव असेल तर…”
दरम्यान मराठी कलाकारांचा ‘कलावंत’ नावाचा ढोल ताशा पथक आहे. या पथकात सर्व मराठी कलाकार कामातून वेळ तालीम करताना दिसत आहेत. तसेच हे कलाकार गणपतीच्या मिरवणुकीतही सहभागी होतात. या कलाकारांनी २०१४ साली एकत्र येऊन ढोल ताशा पथक सुरु केलं होतं. यंदा या पथकाचे ९ वं वर्ष आहे.
