मराठी चित्रपटसृष्टीतील लोकप्रिय जोड्यांपैकी एक जोडी म्हणून उमेश कामत आणि प्रिया बापट यांच्याकडे पाहिले जाते. त्या दोघांच्या फोटोवर ‘Made for each other’ आणि ‘Couple Goal’ अशा अनेक कमेंट पाहायला मिळतात. उमेश आणि प्रिया दोघेही सोशल मीडियावर सक्रीय असतात. नुकतंच उमेश आणि प्रियाने आणखी एक स्वप्न पूर्ण केले आहे. त्याचा एक व्हिडीओही शेअर केला आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

उमेश कामतने नुकतंच इन्स्टाग्रामवर एक पोस्ट शेअर केली आहे. यात त्याने एक व्हिडीओ पोस्ट केला आहे. या व्हिडीओत उमेश कामत हा स्काय डाईव्ह करताना दिसत आहे. यात स्काय डाईव्ह करण्यापूर्वी त्याच्या चेहऱ्यावर असलेली भीती आणि ते केल्यानंतर झालेला आनंद स्पष्ट दिसत आहे.
आणखी वाचा : शिवाजी साटम यांची सून आहे प्रसिद्ध अभिनेत्री, सासऱ्यांबद्दल खुलासा करत म्हणाली “लग्नानंतर त्यांनी…”

आणखी वाचा

उमेश कामतची पोस्ट

“मला आयुष्यात कधी वाटल नव्हत मी कधी skydive करण्याचा विचार सुद्धा करू शकेन. मला उंचीची भयंकर भिती वाटते, height fobia म्हणतात ते काय ते. साध्या इमारतीच्या गच्चीवरून खाली बघितलं तरी हातपाय गळून जातात. म्हणूनच आयुष्यात एकच काय तो treck केला आणि शपथ घेतली परत कधीही trekking च्या वगैरे भानगडीत पडायचं नाही.

आमचा Australia दौरा ठरला तेव्हा 4 दिवस trip extend करायचं ठरवलं. पण planning करायला फारसा वेळ नाही मिळाला. तरी skydive हा विचार दूर दूर पर्यन्त नव्हता, पाण्याची भिती नसल्याने scuba dive करायचं मी आणि प्रियाने ठरवलं. पण वेळेच्या अभावामुळे Queensland ला जाउन scuba करणं अवघड दिसायला लागलं. आणि अचानक एक दिवस कळलं आशुतोष ने Australia दौऱ्यावर skydive च booking केलय. प्रिया excite झाली तिने ठरवलं ती पण करणार आणि तिने मला विचारलं तू पण कर ना. तेव्हा booking साठी सगळे पैसे भरायचे नव्हते,आणि मी त्या मोहाला बळी पडलो, म्हटलं आता हो म्हणू नंतर माघार घेउ. पण तो दिवस आणि skydive झाल्यावरचा आजचा दिवस….मी माझी भिती घालवण्यासाठी केलेला प्रयत्न हा अविस्मरणीय अनुभव होता.

मला हे करण्यासाठी confidence देणाऱ्या सगळ्यांना मनापासून Thank you पण Special Thank you and lots of love to प्रिया @priyabapat आणि आशु, त्यांना माझी भिती माहीत होती पण मी हा अनुभव घ्यावा अशीही मनापासून इच्छा होती. पण मला force न करता, हळूच मधे मधे confidence देत माझ्या nervousness ला confidence मधे बदललं म्हणून Thank you. Thank you For being with me”, असे उमेश कामतने म्हटले आहे.

त्याबरोबरच प्रिया बापटनेही स्काय डाईव्हचा अनुभव शेअर केला आहे. त्याचा एक व्हिडीओही पोस्ट केला आहे. “अखेर भीतीवर मात केली. यावेळी मला पक्षी असल्यासारखं वाटत होतं. अखेर मी ते केले”, असे तिने यावेळी म्हटले.

आणखी वाचा : लग्नाच्या तीन वर्षांनी शर्मिष्ठा राऊतचा पतीबद्दल खुलासा, म्हणाली “प्रेमात कायम…”

दरम्यान सध्या उमेश कामत आणि प्रिया बापट हे दोघेही सध्या ऑस्ट्रेलियात आहेत. त्या दोघांनीही अनेक फोटो आणि व्हिडीओ शेअर केले होते. त्यांच्या या फोटोची सर्वत्र चर्चा रंगली होती.