अभिनेते अविनाश नारकर हे गेल्या कित्येक वर्षांपासून प्रेक्षकांचं विविध माध्यमातून मनोरंजन करत आहेत. नाटक, मालिका, चित्रपट या तिन्ही माध्यमात त्यांनी वैविध्यपूर्ण भूमिका साकारून एक वेगळी ओळख निर्माण केली आहे. सध्या ते ‘झी मराठी’वरील ‘३६ गुणी जोडी’ आणि ‘सन मराठी’वरील ‘कन्यादान’ या मालिकेत पाहायला मिळत आहेत. तसेच दुसऱ्या बाजूला त्यांच्या सोशल मीडियावरील पोस्ट आणि विनोदी रील्स चांगल्या व्हायरल होतं आहेत. नुकताच त्यांनी एक रील शेअर केला आहे; ज्यामध्ये त्यांनी समस्त नवऱ्यांना एक मोलाचा सल्ला दिला आहे.
हेही वाचा – Video: ‘मन धागा धागा जोडते नवा’ मालिकेतील सार्थकने आनंदीसाठी घेतला खास उखाणा; म्हणाला, “वचन देतो…”
अभिनेते अविनाश नारकर सोशल मीडियावर खूप सक्रिय असतात. कधी फिटनेससंबंधित तर कधी मजेशीर रील शेअर करत असतात. पण काहीदा ते ट्रोल देखील होतात. पण या ट्रोलर्सना पत्नी ऐश्वर्या नारकर चोख प्रत्युत्तर देऊन तोंडं बंद करतात. अविनाश नारकर यांनी आता एक मजेशीर रील शेअर केला आहे.
या मजेशीर रीलमध्ये बायकोबरोबर भांडणं झाल्यानंतर समस्त नवऱ्यांनी काय करायचं? याचा सल्ला अविनाश नारकर यांनी दिला आहे. हा रील शेअर करत त्यांनी लिहीलं, “सेटवराचा टाईमपास… मज्जा…दिवाळी पाडवा जवळ आलाय… म्हणून तमाम नवरेमंडळींसाठी खास मोलाचा सल्ला…स्वसंरक्षण….अनुभवाचे बोल…”
हेही वाचा – आता ‘या’मध्येही मारली ‘ठरलं तर मग’ मालिकेने बाजी; ‘प्रेमाची गोष्ट’ला…
हेही वाचा – Video: ‘प्रेमाची गोष्ट’ फेम तेजश्री प्रधानने शुभांगी गोखलेंची केली नक्कल; पाहा व्हिडीओ
अविनाश नारकर यांच्या या मजेशीर रीलवर ऐश्वर्या नारकर यांनी प्रतिक्रियेत हसण्याचे इमोजी शेअर केले आहेत. तसेच एका नेटकरीनं लिहीलं आहे की, “फक्त बघत राहील ना तर बायको अजून चिडते मग.. आता बोला की तोंड का बंद केले म्हणते.” तसेच दुसऱ्या नेटकरीनं लिहीलं की, “छान भारी हं.” तर तिसऱ्या नेटकऱ्यानं लिहीलं की, “ईशय संपला…”
दरम्यान, याआधी अविनाश नारकर यांचा ‘३६ गुणी जोडी’ या मालिकेतील एक डायलॉग चांगलाच व्हायरल झाला होता. ज्यामध्ये ते पालक आणि मुलांच्या संवादाविषयी बोलले होते. “ज्या घरात संवाद असतो, मुलांमध्ये आणि पालकांमध्ये, त्या घरातली मुलं आपल्या मर्यादा आखून घेतात. ज्या घरातला संवादच तुटतो ते घर सुद्धा हळूहळू तुटायला लागतं,” असा अविनाश नारकर यांचा तो डायलॉग होता.
