२०२४ या वर्षाला निरोप देऊन २०२५ या नवीन वर्षाचं स्वागत झालं आहे. संपूर्ण जगभरात नवीन वर्षाचं स्वागत जल्लोषात केलं जात आहे. सोशल मीडियावर एकमेकांना शुभेच्छा दिल्या जात आहेत. तसंच अनेकजण नवीन वर्षात नवं ध्येय, संकल्प करत आहेत. कलाकार मंडळी आपल्या चाहत्यांना सोशल मीडियाद्वारे नवीन वर्षाच्या शुभेच्छा देत आहेत. अभिनेत्री ऐश्वर्या नारकर आणि अविनाश नारकर यांनीदेखील आपल्या चाहत्यांना अनोख्या अंदाजात नवीन वर्षाच्या शुभेच्छा दिल्या आहेत.
९०च्या दशकातील मराठी सिनेसृष्टीतील लोकप्रिय जोड्यांपैकी एक म्हणजे ऐश्वर्या नारकर आणि अविनाश नारकर. ही जोडी आजकाल खूप चर्चेत असते. दोघं सोशल मीडियावर खूप सक्रिय असतात. नवनवीन फोटो आणि व्हिडीओ सतत चाहत्यांच्या मनोरंजनसाठी शेअर करत असतात. पण यामुळे ते कधीकधी ट्रोलही होतात. मात्र याला दोघंही सडेतोड उत्तर देतात. नुकताच ऐश्वर्या नारकर यांनी दोघांचा व्हिडीओ शेअर करत चाहत्यांना नवीन वर्षाच्या शुभेच्छा दिल्या आहेत.
हेही वाचा – Bigg Boss 18: ‘बिग बॉस’च्या घरात आले ज्योतिषी, सदस्यांना दिली हटके नावं, वाचा टॉप-१०ची भविष्यवाणी
अभिनेत्री ऐश्वर्या नारकर यांनी डान्स व्हिडीओ शेअर करत लिहिलं की, नवीन वर्षाच्या शुभेच्छा…हे वर्ष तुम्हाला आनंदाचे आणि यशाचे जावो. या व्हिडीओमध्ये ऐश्वर्या आणि अविनाश नारकर ‘पुष्पा २’ चित्रपटातील सुपरहिट गाणं ‘पीलिंग्स’वर डान्स करताना दिसत आहे. नेहमीप्रमाणे दोघांनी भन्नाट डान्स केला आहे. त्यामुळे दोघांच्या या व्हिडीओवर कलाकार मंडळींसह चाहत्यांनी भरभरून प्रतिक्रिया दिल्या आहेत.
अभिनेत्री तितीक्षा तावडे, रुपल नंद, भक्ती रत्नपारखी, सिद्धार्थ बोडके यांच्यासह चाहत्यांनी प्रतिक्रिया देत ऐश्वर्या आणि अविनाश नारकरांना नवीन वर्षाच्या शुभेच्छा दिल्या आहेत. दोघांच्या हा डान्स व्हिडीओ चांगलाच व्हायरल झाला आहे.
हेही वाचा – Bigg Boss 18: मुनव्वर फारुकीने रजत दलाल-करणवीर मेहराची उडवली खिल्ली, पाहा नवा प्रोमो
दरम्यान, ऐश्वर्या आणि अविनाश नारकरच्या कामाबद्दल बोलायचं झालं तर, अलीकडेच ऐश्वर्या यांची लोकप्रिय मालिका ‘सातव्या मुलीची सातवी मुलगी’ने प्रेक्षकांचा निरोप घेतला. या मालिकेत त्यांनी साकारलेली खलनायिका चांगलीच गाजली. तसंच अविनाश नारकर सध्या ‘लग्नानंतर होईलच प्रेम’ या मालिकेत पाहायला मिळत आहेत. या मालिकेत त्यांनी विक्रमादित्य देशमुखची भूमिका साकारली आहे. याशिवाय त्यांचं ‘पुरुष’ नावाचं नाटक रंगभूमीवर जोरदार सुरू आहे. जयवंत दळवी यांच्या जन्मशताब्दी निमित्त विशेष ५० प्रयोग या नाटकाचे होणार आहेत.
