प्रार्थना बेहरेने अमिताभ बच्चन यांना विचारला होता चुकीचा प्रश्न; म्हणाली, “१६ वर्षीय मुलीवर प्रेम…”

आणखी वाचा – Video : प्रार्थना बेहरे व श्रेयस तळपदेचा रोमान्स, ‘तो’ व्हिडीओ पाहून अभिनेत्रीच्या नवऱ्याने केलेली कमेंट चर्चेत

झी मराठी वाहिनीवरील ‘बस बाई बस’ कार्यक्रमामध्ये प्रार्थनाने हजेरी लावली होती. यावेळी तिने या गोष्टीबाबत खुलासा केला. पत्रकारितेमध्ये काम करत असताना बॉलिवूडमधील दिग्गज अभिनेत्यांची मुलाखत घेण्याची संधी तिला मिळाली. पण पत्रकारिका या क्षेत्रामध्ये प्रार्थना नवी असताना तिने थेट एका कार्यक्रमादरम्यान बिग बी अमिताभ बच्चन यांना प्रश्न विचारला होता. यावेळी उपस्थितांनीही तिच्याकडे आश्चर्याने पाहिलं होतं.

‘बस बाई बस’मध्ये कार्यक्रमाचा सुत्रसंचालक सुबोध भावेशी संवाद साधत असताना प्रार्थना म्हणाली, “अमिताभ बच्चन यांचा ‘निशब्द’ नावाचा चित्रपट तेव्हा प्रदर्शनाच्या मार्गावर होता. या चित्रपटाच्या पत्रकार परिषदेला मी गेले होते. पत्रकार म्हणून मलाही अमिताभ यांना प्रश्न विचारायचा होता. म्हणून मी हात वर केला. मी अगदी शेवटी बसली होती. मंचावर उपस्थित असलेल्या सुत्रसंचालकाची माझ्यावर नजर गेली आणि त्यांनी मला प्रश्न विचारण्यास सांगितला.”

आणखी वाचा – “मासिक पाळीत होणारा रक्तस्राव मी लाडूमध्ये…” ‘त्या’ आरोपांबाबत कंगना रणौत स्पष्टच बोलली, काळ्या जादूबाबतही केलं भाष्य

“६० वर्षीय असलेली व्यक्ती वय वर्ष १६ असलेल्या मुलीच्या प्रेमात पडते अशीच काहीशी या चित्रपटाची कथा होती. यावरूनच मी त्यांना विचारलं की, असं म्हटलं जातं की वयाच्या साठीनंतर माणूस विचित्र वागू लागतो. या चित्रपटामध्ये वय वर्ष साठ असताना तुम्ही १६ वर्षीय मुलीवर प्रेम केलं आहे ते तुमच्या विचित्रपणामुळे केलं आहे का? असा प्रश्न विचारणं माझी चुकी होती. पण मी तो त्यांना नव्हे तर चित्रपटामधील त्यांच्या भूमिकेसाठी विचारला होता.” या प्रश्नानंतर अमिताभ प्रार्थनाला म्हणाले की, “ते तुम्हाला चित्रपट पाहिल्यानंतर कळेल.” प्रार्थनाने प्रश्न विचारताच मात्र उपस्थित तिच्याकडेच पाहत होते. पण पत्रकार परिषद संपली आणि पत्रकार परिषदेला उपस्थित मंडळींनी प्रार्थनाला चांगलंच धारेवर धरलं होतं.