छोट्या पडद्यावरील लोकप्रिय अभिनेत्री म्हणून भाग्यश्री मोटेला ओळखले जाते. तिने आतापर्यंत अनेक मराठी आणि हिंदी मालिकांमध्ये काम केले आहे. गेल्या काही दिवसांपासून ती सातत्याने चर्चेत आहे. काही दिवसांपूर्वी भाग्यश्रीच्या मोठ्या बहिणीचे निधन झाले. त्यानतंर आता ती एका वेगळ्याच कारणाने चर्चेत आली आहे. भाग्यश्री मोटे ही सोशल मीडियावर सक्रीय असते. नुकतंच तिने इन्स्टाग्रामवर काही फोटो पोस्ट केले आहे. या फोटोत तिने छान वनपीस, डेनिम जॅकेट परिधान केले आहे. या फोटोला तिने हटके कॅप्शन दिले आहे.आणखी वाचा : “स्पष्ट पुरावे मिळूनही कारवाई नाही”, बहिणीच्या मृत्यूनंतर प्रसिद्ध मराठमोळ्या अभिनेत्रीचा संताप, म्हणाली “तिच्या चेहऱ्यावर…” "मी पुन्हा खंबीर होते आहे आणि मला माहिती आहे की तुम्ही मला असेच पाहू इच्छिता", असे कॅप्शन तिने या फोटोला दिले आहे. यावेळी एका चाहत्याने कमेंट करत तिच्या हातावर झालेल्या जखमेबद्दल विचारले आहे. त्यावर तिने ती जखम कशामुळे झाली, ते सांगितले आहे. तिच्या या फोटोवर एकाने "हाताला काय लागलंय", असा प्रश्न तिला विचारला आहे. याला तिने उत्तर दिले आहे. "मांजरीचे नखं लागलं आहे", असे तिने म्हटले. त्यावर त्या चाहत्याने "अच्छा, मग ठिक आहे", असे म्हणत स्माईल इमोजी शेअर केला आहे. भाग्यश्री मोटेची कमेंट Video : नागराज मंजुळेंना ‘अण्णा’ अशी हाक पहिल्यांदा कोणी दिली होती? स्वत:च केला खुलासा दरम्यान भाग्यश्री ही 'देवयानी' या मालिकेतून प्रसिद्धीझोतात आली. त्यानंतर 'देवा श्री गणेशा' या मालिकेतही झळकली होती. ‘माझ्या बायकोचा प्रियकर’, ‘पाटील’. ‘काय रे रास्कला’ या मराठी चित्रपटातही तिने काम केले आहे.
