“रिचार्जचे पैसे जस्टिन बिबरच्या खिशात…”, अनंत अंबानीच्या लग्न सोहळ्याबद्दल मराठी अभिनेत्रीची पोस्ट, म्हणाली…

आता सध्या अंबानींच्या घरात अनंत-राधिकाचे लग्नाआधीचे विधी पार पडत आहेत. दोघांच्या नुकत्याच पार पडलेल्या संगीत सोहळ्याला हॉलीवूडचा लोकप्रिय गायक जस्टिन बिबरने खास परफॉर्मन्स सादर केला होता. रिपोर्ट्सनुसार यासाठी जस्टिनने तब्बल ८३ कोटी आकारल्याच्या चर्चा आहेत. अशातच जिओचे मोबाइल रिचार्ज सुद्धा महागले आहेत. त्यामुळे लेकाच्या लग्नासाठी अंबानींनी रिचार्जचे दर वाढवलेत अशी चर्चा सोशल मीडियावर रंगली आहेत. तर, अनेक क्रिएटर्सनी यावर मीम्स देखील बनवले आहेत. याबाबत एका मराठी अभिनेत्रीने शेअर केलेली पोस्ट सुद्धा चर्चेत आली आहे.

हेही वाचा : “हिंदू-मुस्लीम लग्न करू शकत नाहीत का?” सोनाक्षी-झहीरच्या लग्नावर मुकेश खन्नांची प्रतिक्रिया; म्हणाले, “लव्ह जिहाद…”

‘आई कुठे काय करते’ या मालिकेतून अभिनेत्री गौरी कुलकर्णी घराघरांत लोकप्रिय झाली. तिचा चाहतावर्ग मोठ्या प्रमाणात आहे. सोशल मीडियावर नुकतीच एक मजेशीर पोस्ट शेअर करत गौरीने अनंत-राधिकाच्या लग्नसोहळ्याबद्दल भाष्य केलं आहे. “२९ रुपयांचं रिचार्ज केल्याचे पैसे जस्टिन बिबरच्या खिशात जाताना… अजून तुम्हाला याची जाणीव झाली नसेल पण, आम्हाला सगळं कळतं” अशी पोस्ट गौरीने इन्स्टाग्राम शेअर केली आहे.

हेही वाचा : Video : अनंत-राधिकाच्या संगीत सोहळ्यातील परफॉर्न्ससाठी बादशाहने घेतलं ‘इतकं’ मानधन, बॉलीवूड सेलिब्रिटींसह पंड्याही थिरकला रॅपरच्या गाण्यांवर

गौरीच्या या पोस्टवर नेटकऱ्यांनी सुद्धा भन्नाट प्रतिक्रिया दिल्या आहेत. “एक सिम वापरायची वेळ आलीये आता एवढा महाग झालाय रिचार्ज”, “हाच खरा व्यवसाय आहे”, “अनंत अंबानींच्या लग्नात खर्च झाला असेल”, “समजून घ्या मुलाचं लग्न आहे खर्च जास्त झालाय” अशा कमेंट्स गौरीने शेअर केलेल्या व्हिडीओवर आल्या आहेत.

हेही वाचा : “ओ ओ जाने जाना…”, अंबानींच्या संगीत समारंभात सलमान खान व विकी कौशलचा एकत्र डान्स, हुकस्टेपने वेधलं लक्ष

दरम्यान, येत्या १२ जुलैला अनंत-राधिका लग्नबंधनात अडकणार आहेत. यांच्या लग्नाला बॉलीवूड कलाकारांसह अनेक परदेशी पाहुणे उपस्थित राहणार असल्याचं बोललं जात आहे. लग्नातील हे समारंभ १४ जुलैपर्यंत चालू राहतील.