‘फुलपाखरु’ या मालिकेतून घराघरात पोहोचलेली अभिनेत्री म्हणून ऋता दुर्गुळेला ओळखलं जाते. ऋताने ‘फुलपाखरु’ या मालिकेतून प्रेक्षकांची मने जिंकली. ती नेहमीच काही ना काही कारणामुळे चर्चेत असते. मराठी सिनेसृष्टीतील लोकप्रिय अभिनेत्रींपैकी एक अशी तिची ओळख आहे.‘अनन्या’, ‘टाईमपास ३’ या दोन्ही चित्रपटांमुळे ती अजूनही प्रसिद्धीझोतात आहे. त्यानंतर आता लवकरच ऋता ही एक मोठी घोषणा करणार आहे.
ऋता दुर्गुळे ही सोशल मीडियावर कायमच सक्रीय असते. ती नेहमीच विविध फोटो आणि व्हिडीओ शेअर करत चाहत्यांना अपडेट देताना दिसते. नुकतंच ऋताने इन्स्टाग्रामवर एक फोटो शेअर केला आहे. यात ती गोड हसताना दिसत आहे. त्याबरोबरच तिने दिलेल्या कॅप्शनने सर्वांचेच लक्ष वेधले आहे.
आणखी वाचा : “चित्रपटातील कलाकार मालिकेत काम करणाऱ्यांना कमी लेखतात” हृता दुर्गुळेने व्यक्त केली खंत
“आजचा दिवस फारच खास आहे”, असे कॅप्शन तिने या फोटोला दिले आहे. त्याबरोबर तिने #announcementsoon #happy #grateful #blessed #hrutadurgule, असे हॅशटॅगही दिले आहे.
तिने दिलेल्या हॅशटॅगनंतर ती काहीतरी मोठी घोषणा करणार असल्याचे बोललं जात आहे. ऋताची ही घोषणा नेमकी कशाबद्दल आहे, याबद्दल विविध तर्कवितर्क लावले जात आहे. तिचे अनेक चाहते याबद्दल अंदाज वर्तवतानाही दिसत आहेत.
आणखी वाचा : “निर्मात्यांशी माझे नेहमीच…”, ‘मन उडू उडू झालं’ मालिका सोडण्याच्या चर्चांवर हृता दुर्गुळेचे स्पष्टीकरण
दरम्यान ऋता दुर्गुळेने आतापर्यंत अनेक नाटक, मालिका आणि चित्रपटात काम केले आहे. ऋताने दुर्वा या मालिकेतून सिनेसृष्टीत पदार्पण केले. त्यानंतर ती फुलपाखरु या मालिकेत झळकली. या मालिकेमुळेच ती प्रसिद्धीझोतात आली. ऋताने अनन्या आणि टाइमपास ३ या चित्रपटात प्रमुख भूमिका साकारली आहे.
