बिग बॉस मराठीच्या चौथ्या पर्वात अमृता देशमुख आणि प्रसाद जवादे ही जमलेली जोडी आता खऱ्या आयुष्यात पती-पत्नी झाले आहेत. काल (१८ नोव्हेंबर) दोघांचा मोठ्या थाटामाटात लग्नसोहळा पार पडला. या लग्नसोहळ्याला त्यांच्या जवळच्या नातेवाईकांसह मराठी सिनेसृष्टीतील अनेक कलाकार मंडळी उपस्थित होती. सध्या सोशल मीडियावर अमृता आणि प्रसादच्या लग्नाची चांगलीच चर्चा रंगली आहे. चाहते दोघांवर शुभेच्छांचा वर्षाव करत आहेत. अशातच अमृताची वहिनी म्हणजेच अभिनेत्री कृतिका देवने खास शैलीत अमृता आणि प्रसादला शुभेच्छा दिल्या आहेत.
हेही वाचा – “तुझ्या निर्णयाचं आणि…”, प्रसाद ओकचा लेक झाला पदवीधर, अभिनेता व्हिडीओ शेअर करत म्हणाला…
अभिनेत्री अमृता देशमुख आणि अभिनेता प्रसाद जवादे यांचं बिग बॉस घरात सूर जुळले असले तरी त्यांच्या दोघांच्या रिलेशनची खरी चर्चा साखरपुड्यानंतर सुरू झाली. जुलै महिन्यांत दोघांनी गुपचूप साखरपुडा उरकला होता. यामुळे सर्वांना आश्चर्यांचा धक्का बसला होता. पण तेव्हापासून अमृता-प्रसादच्या लग्नाची चाहते आतुरतेने वाट पाहत होते. अखेर तो क्षण पार पडला. अमृता-प्रसादचा मेहंदी सोहळ्यापासून ते सप्तपदीपर्यंत प्रत्येक विधी, समारंभ चर्चेत राहिला. सध्या याचे फोटो आणि व्हिडीओ सोशल मीडियावर तुफान व्हायरल झाले आहेत.
अमृताची वहिनी म्हणजे भाऊ अभिषेक देशमुख याची पत्नी कृतिका देव हिने काही फोटो शेअर करून तिला लग्नाच्या शुभेच्छा दिल्या आहेत. कृतिकाने शेअर केलेल्या पहिल्या फोटोमध्ये संपूर्ण देशमुख कुटुंब नवविवाहित जोडप्याबरोबर पाहायला मिळत आहेत. तसेच दुसऱ्या फोटोमध्ये कृतिका पती अभिषेक देशमुखबरोबर दिसत आहेत. तर तिसऱ्या फोटोमध्ये कृतिका आणि अभिषेकचा रोमँटिक अंदाज पाहायला मिळत आहेत. हे तीन फोटो शेअर करत कृतिकाने लिहीलं आहे, “हार्दिक शुभेच्छा अमृता आणि प्रसाद…अभी तो पार्टी शुरू हुई है…”
हेही वाचा – ‘आई कुठे काय करते’ फेम अभिषेक देशमुखने बहिणीच्या लग्नातले खास फोटो केले शेअर; म्हणाला, “अमृता खूप…”
दरम्यान, अमृताची वहिनी म्हणजे कृतिकाच्या कामाबद्दल बोलायचं झालं तर, ती नुकतीच ‘ताली’ या लोकप्रिय सीरिजमध्ये झळकली होती. तिने तृतीयपंथी गौरी सावंत यांच्या बालपणीची भूमिका साकारली होती.
