“मी लग्न करू की नको?” चाहत्याच्या प्रश्नावर प्राजक्ता माळीचं भन्नाट उत्तर, म्हणाली, “करून टाका माझा…”

प्राजक्ताच्या भावाचं लग्न नुकतंच पार पडलं. याच लग्नसोहळ्यातील फोटो प्राजक्ताने शेअर केले आहेत. या विवाहसोहळ्यासाठी तिने हिरव्या रंगाची नऊवारी साडी, नथ, चंद्रकोर व केसांत गजरा माळून पारंपरिक लूक केला होता. मराठमोळ्या वेशात फारच सुंदर दिसत होती. तिने पुन्हा एकदा तिच्या लूकने चाहत्यांचं लक्ष वेधून घेतलं. प्राजक्ताच्या या फोटोंवर चाहत्यांनी लाइक्स व कमेंट्सचा पाऊस पाडला.

हेही वाचा >> ‘पॉवर रेंजर’ फेम जेसन डेव्हिड फ्रॅंकचं निधन, ४९व्या वर्षी घेतला अखेरचा श्वास

प्राजक्ताच्या चाहत्यांपैकी एकाने फोटोवर केलेली कमेंट सगळ्यांचंच लक्ष वेधून घेत आहे. “मी लग्न करू की नको?” असं प्राजक्ताच्या फोटोवर कमेंट करत चाहत्याने विचारलं आहे. प्राजक्ताने चाहत्याच्या या कमेंटवर रिप्लाय करत “करुन टाका माझा काही भरवसा नाही”, असं उत्तर देत हसण्याचे इमोजी पोस्ट केले आहेत.

हेही वाचा >> “निधनानंतर दोन दिवस…” तबस्सूम यांच्या शेवटच्या इच्छेबाबत मुलाचा खुलासा

प्राजक्ताने दिलेल्या या उत्तरावर चाहत्यानेही कमेंट करत “भरवसा नसतो तेच पहिलं लग्न करतात”, असं म्हटलं आहे.

हेही पाहा >> Photos : सात बेडरुम, ११ बाथरुम, स्विमिंगपूल अन्…; प्रियांका चोप्रा-निक जोनस यांच्या अमेरिकेतील १४४ कोटींच्या आलिशान घराची झलक

छोट्या पडद्यावरील ‘जुळून येती रेशीमगाठी’ या मालिकेतून प्राजक्ता घराघरात पोहोचली. तिने मालिकांसह चित्रपटांतही काम केलं आहे. ‘रानबाझार’ या वेब सीरिजमधून प्राजक्ताने ओटीटीवर पदार्पण केलं. आता ती ‘महाराष्ट्राची हास्यजत्रा’ कार्यक्रमाचे सूत्रसंचालन करुन प्रेक्षकांची मनं जिंकत आहे.