छोट्या पडद्यावरील ‘बस बाई बस’ शोला प्रेक्षकांची पसंती मिळत आहे. कलाविश्वाप्रमाणेच इतर क्षेत्रातील कर्तृत्वान महिला या शोमध्ये सहभागी होतात. अभिनेता सुबोध भावे या शोचं सूत्रसंचालन करत आहे. मराठमोळी अभिनेत्री प्रिया बापट हिने या शोमध्ये हजेरी लावली.सुबोध भावे आणि कार्यक्रमातील इतर महिलांनी मिळून प्रियाला बोलतं केलं. प्रियाने शोमध्ये विचारलेल्या सगळ्याच प्रश्नांना मजेशीर उत्तरे दिली. प्रियाने कार्यक्रमात तिच्याबरोबर घडलेले अनेक किस्से शेअर केले. नाटक, मालिका, चित्रपट यामधून प्रियाने अभिनयाच्या जोरावर प्रेक्षकांची मनं जिंकून घेतली. तिने वेब सीरिजमध्येही काम केलं आहे.
हॉटस्टारवरील ‘सिटी ऑफ ड्रिम्स’ या सीरिजमधील तिची भूमिका प्रेक्षकांच्या पसंतीस उतरली होती. याच सीरिजमध्ये प्रियाने बोल्ड सीन्सही दिले होते. यामुळे तिला खूप ट्रोलही करण्यात आलं होतं. वेब सीरिजमध्ये बोल्ड सीन्सचे व्हिडीओही सोशल मीडियावर व्हायरल झाले होते. याबद्दल कार्यक्रमातील महिलेने प्रियाला “वेब सीरिजमधील बोल्ड सीन्स पाहिल्यानंतर आई-वडिलांची काय प्रतिक्रिया होती?”, असा प्रश्न विचारला.
हेही वाचा >> “नाटकाचा प्रयोग सुरू असताना लघुशंका आली अन्…”, प्रिया बापटने सांगितला ‘तो’ किस्सा
हेही वाचा >> पुरस्कार सोहळ्यात भाषण देत होती आलिया भट्ट, बाळाने पोटात पाय मारला अन्…
प्रिया यावर उत्तर देत म्हणाली, “माझ्या आई-वडिलांकडे स्मार्ट फोन नसल्यामुळे त्यांनी वेब सीरिजमधील माझा बोल्ड सीन पाहिला नाही. मी एका मध्यमवर्गीय कुटुंबातून येते. त्यामुळे हा सीन बघितल्यानंतर माझ्या आई-वडिलांना काय वाटेल, याचं मला दडपण आलं होतं. पण व्हिडीओ व्हायरल झाल्यानंतर मी त्यांना फोन केला. मी असा बोल्ड सीन शूट केला आहे आणि त्याचा व्हिडीओ व्हायरल होतोय, याची त्यांना कल्पना दिली. तुम्हाला माझी लाज वाटत नाहीये ना, हेही मी त्यांना विचारलं”.
हेही पाहा >> Photos : ‘आई कुठे काय करते’ मधील यशच्या बहिणीची ‘बिग बॉस मराठी’च्या घरात एन्ट्री, जाणून घ्या तिच्याबद्दल
पुढे ती म्हणाली, “यावर माझे बाबा मला म्हणाले, तू एक अभिनेत्री आहेस. ते तुझं काम आहे. त्यामुळे याबाबत उत्तर देण्यासाठी तू आम्हाला किंवा इतर कोणालाही उत्तर देण्यासाठी बांधील नाहीस. माझ्या आईला मी विचारलं, तुला माझ्यामुळे त्रास झाला का? यावर उत्तर देत माझी आई फार गमतीशीर पद्धतीने म्हणाली, चूक झाली. पुढच्या वेळेला नाही करायची. मला वाटतं आपल्या सगळ्यांची आई अशीच छान असते”.
उत्तम अभिनय आणि सौंदर्याने प्रियाने प्रेक्षकांना भुरळ पाडली. अभिनय क्षेत्रात करिअर करत असताना तिने निर्मिती क्षेत्रातही पाऊल ठेवलं. मालिका, चित्रपट, नाटक आणि वेब सीरिजमधून प्रियाने प्रेक्षकांचं मनोरंजन केलं आहे.
