दमदार अभिनयाच्या जोरावर प्रेक्षकांच्या मनावर ठसा उमटवणाऱ्या अभिनेत्रीपैंकी एक म्हणजे प्रिया बापट. काही महिन्यांपूर्वीच तिची ‘सिटी ऑफ ड्रिम्स सीझन ३’ ही वेब सीरिज प्रेक्षकांच्या भेटीला आली. या सीरिजच्या पहिल्या सीझनमध्ये प्रियाला लेसबीयनच्या भूमिकेत पाहून प्रेक्षकांच्या भुवया उंचावल्या होत्या. यामधील अभिनेत्रीचा किसिंग इतका व्हायरल झाला की, तिचं एकाबाजूला कौतुक, तर दुसऱ्याबाजूला नकारात्मक प्रतिक्रिया उमटत होत्या. मात्र याकडे प्रियानं अधिक लक्ष न देता हा माझ्या कामाचा भाग असल्याचं सांगितलं होतं. नुकताच प्रियानं इन्स्टाग्रामवर एक फोटो शेअर करत जुन्या आठवणींना उजाळा दिला आहे.
प्रिया बापटनं एका मालिकेच्या सेटवरील फोटो शेअर करत चाहत्यांना विचारलं आहे की, “ही मराठी मालिका कोणाला आठवत आहे का? आणि या फोटोमध्ये तुम्ही मला शोधू शकता का?” प्रियाच्या या प्रश्नाचं उत्तर काही चाहत्यांनी अचूक दिलं आहे. २००० सालच्या ‘दे धमाल’ या मराठी मालिकेच्या सेटवरील हा फोटो आहे.
हेही वाचा – Video: राखी सावंत पुन्हा पतीच्या शोधात, भर पावसात डोक्यावर फोडली अंडी; नेटकरी म्हणाले, “हिच्यापेक्षा…”
एका चाहत्यानं प्रियाच्या प्रश्नाला उत्तर देत लिहिलं आहे की, “आम्ही ‘दे धमाल’ या मालिकेला कसं विसरणार. आम्ही दर रविवारी खूप एन्जॉय करायचो.” तर दुसऱ्या चाहतीनं लिहिलं की, “परत सुरू करा रे… आत्ताच्या मुलांना कळेल बालपण म्हणजे काय असतं.” तसेच अजून एका चाहतीनं लिहिलं की, “जो माणूस तुला ओळखू शकणार नाही, तो मराठी माणूस असू शकतं नाही. खूप सारं प्रेम प्रिया ताई.”
हेही वाचा – ‘बवाल’ आणि ‘आदिपुरुष’ चित्रपटाचं काय आहे कनेक्शन? बॉयकॉटची होऊ लागली मागणी
प्रिया बापटची ‘दे धमाल’ ही मालिका अजूनही तुम्ही युट्यूबवर पाहू शकता. या मालिकेतील बालकलाकार आता मराठीतील लोकप्रिय चित्रपट, नाटकात काम करताना दिसत आहेत. ‘दे धमाल’ मालिकेतील अभिनेता निनाद लिमये सध्या ‘चारचौघी’ या नाटकात काम करत आहे. तर अभिनेता दुश्यंत वाघ ‘महाराष्ट्र शाहीर’ या चित्रपटात हिंदुहृदयसम्राट बाळासाहेब ठाकरेंच्या भूमिकेत दिसला होता.
