‘बिग बॉस मराठी’च्या पहिल्या पर्वामुळे प्रसिद्धीच्या झोतात आलेली सई लोकूर नेहमी चर्चेत असते. मनोरंजन विश्वापासून दूर असली तरी सई सोशल मीडियावर खूप सक्रिय असते. फोटो, व्हिडीओ शेअर करून चाहत्यांच्या संपर्कात असते. तसेच ती वैयक्तिक जीवनातील अनुभव देखील चाहत्यांबरोबर शेअर करत असते.
सईने गेल्या वर्षी १७ डिसेंबरला एका गोंडस मुलीला जन्म दिला. अभिनेत्रीने मुलीचं नाव ताशी असं ठेवलं आहे. ताशीचा अर्थ समृद्धी आणि शुभ असा होतो. नुकताच सईने इन्स्टाग्रामवरील ‘आस्क मी सेशन’द्वारे चाहत्यांशी संवाद साधला. यावेळी तिला चाहत्यांनी अनेक प्रश्न विचारले. एका चाहत्याने सईला दुसऱ्या बाळाविषयी विचारले. तेव्हा सई काय म्हणाली? जाणून घ्या…
अभिनेत्री सई लोकूरला इन्स्टाग्रामवर चाहत्यांनी तिचं बाळंतपण, गर्भसंस्कार, ताशी याविषयी अनेक प्रश्न विचारले. एका चाहत्याने विचारले की, सई तू मुलीला रामरक्षा ऐकवते का? यावर सई म्हणाली, “होय. माझ्या संपूर्ण गर्भधारणेच्या वेळी मी केलं आहे.” तर दुसऱ्या चाहत्याने विचारलं, “दुसऱ्या बाळाचा प्लॅन आहे?” या प्रश्नाचं उत्तर देत सई म्हणाली, “हाहाहा…खूप घाई झाली आहे का? आधी मला पहिल्या बाळंतपणातून नीट बरं होऊ दे”
दरम्यान, सई लोकूरच्या कामाबद्दल बोलायचं झालं तर, तिने काही मराठी, हिंदी चित्रपटात काम केलं आहे. ‘बिग बॉस मराठी’च्या पहिल्या पर्वात झळकल्यानंतर सई ‘सनम हॉटलाइन’ या वेब सीरिजमध्ये शेवटची पाहायला मिळाली होती. सध्या ती अभिनय क्षेत्रापासून दूर असून लेकीबरोबर एन्जॉय करत आहे.
