“स्त्रियांच्या तुलनेत पुरुषांचं यश…” सई ताम्हणकरचा सिनेसृष्टीबद्दल मोठा खुलासा, म्हणाली “समान वेतन लांब…”

सई ताम्हणकर नुकतंच खुपते तिथे गुप्ते या कार्यक्रमात सहभागी झाली. यावेळी अवधूत गुप्तेने सईला सिनेसृष्टीसह तिच्या खासगी गोष्टींबद्दल प्रश्न विचारले. यादरम्यान अवधूतने मराठी चित्रपट क्षेत्रात पुरुषांना जशी वागणूक दिली जाते, तशी स्त्रियांना दिली जात नाही, याबद्दल विचारणा केली.
आणखी वाचा : “तुझ्या आयुष्यात प्रेम येतं, तेव्हा…”, गिरीजा ओकने केला सई ताम्हणकरबद्दल खुलासा; म्हणाली “जो रोमान्स…”

त्यावर सईने स्पष्टपणे उत्तर दिले. “पुरुषांचं यश स्त्रियांच्या तुलनेत जास्त चांगल्या पद्धतीने साजरं केलं जातं. समान वेतन वैगरे या खूप लांबच्या गोष्टी आहेत. त्या तर अजून सिनेसृष्टीत घडलेल्याच नाहीत”, असे सई म्हणाली.

आणखी वाचा : “तिसऱ्या पत्नीने ठेवलेला आईशी लग्नाचा प्रस्ताव पण…”, राहुल महाजनने सांगितलेला नताल्याबरोबरच्या पहिल्या भेटीचा किस्सा

दरम्यान सई ताम्हणकरच्या थेट उत्तराने अनेकांच्या भुवया उंचावल्या. तसेच या कार्यक्रमात तिचा स्पष्टवक्तेपणाही अनेकांना आवडला. याचे अनेक व्हिडीओही समोर आले आहेत.