छोट्या पडद्यावरील लोकप्रिय मालिकांच्या यादीतील एक मालिका म्हणजे मन झालं बाजिंद. या मालिकेतून प्रसिद्धीझोतात आलेली अभिनेत्री म्हणजे श्वेता खरात. ती कायमच सोशल मीडियावर सक्रीय असते. श्वेताने नुकतंच एक बोल्ड फोटो पोस्ट केला आहे. या फोटोमुळे तिला काही नेटकऱ्यांनी ट्रोल करण्याचा प्रयत्न केला आहे. त्या कमेंटवर तिने प्रतिक्रिया दिली आहे.
श्वेताने नुकतंच तिच्या इन्स्टाग्रामवर साडी नेसलेला एक फोटो शेअर केला आहे. त्या फोटोत तिने निळ्या रंगाची साडी परिधान केली आहे. तिच्या या फोटोवर अनेक नेटकऱ्यांनी विविध कमेंट केल्या आहेत.
आणखी वाचा : “एकनाथ शिंदे साहेब मला तुम्हाला त्रास द्यायचा नव्हता, पण…” मराठी अभिनेत्रीच्या पोस्टने वेधलं लक्ष, म्हणाली “चार हात, दोन फोन, एक नाथ…”
श्वेताच्या या पोस्टवर एका महिलेने कमेंट केली आहे. “अजून खाली नेस बाई”, अशी कमेंट केली आहे. त्यावर श्वेताने प्रतिक्रिया दिली आहे. “नको काकू ती तुमची स्पेशालिटी आहे, तुम्हीच नेसा. आय लव्ह यू काकू”, अशी प्रतिक्रिया तिने दिली आहे.
तर एकाने तिच्या या पोस्टवर अश्लील कमेंट केली आहे. “काही दिवसांनी असे लोक तर रस्त्यावर सेक्स करतील लोकांसमोर”, अशी कमेंट एकाने केली आहे. त्यावर प्रतिक्रिया देताना श्वेता म्हणाली, “तुमच्यासारखे म्हणायचं का तुम्हाला? कारण तुमच्या सारख्या विचारसरणीची लोक १०० टक्के करतील No doubt! मला तुमच्या घरातील स्त्रियांबद्दल खूप वाईट वाटतंय आणि तुम्हाला लहान मुलगी सुद्धा आहे. सर जरा तिच्यासाठी तरी सुधारा. तिला मोठं झाल्यावर वडील म्हणायची लाज वाटू नये याची काळजी घ्या”, असे तिने यात म्हटले आहे.
श्वेताला ट्रोल करणाऱ्यांवर तिचा सहकलाकार असलेल्या वैभव चव्हाणने देखील टीका केली. “अगं केसात काकूंसारखं एक फूल लावलं असत तर त्यांना नक्कीच आवडला असता फोटो.. सुंदर दिसते आहेस तू…काकू जरा जळत आहेत बाकी काही नाही.” असे वैभव चव्हाणने म्हटले आहे.
दरम्यान श्वेता आणि वैभव यांनी झी टीव्हीवरून प्रसारित झालेल्या ‘मन झालं बाजिंद’ या मालिकेत एकत्र काम केलं होतं. काही दिवसांपूर्वी या मालिकेनं प्रेक्षकांचा निरोप घेतला आहे.
