मराठी मनोरंजनसृष्टीतील बेधडक आणि स्पष्टवक्ती अभिनेत्री म्हणून सुरभी भावेला ओळखले जाते. तिने आतापर्यंत अनेक मराठी मालिका आणि चित्रपटांमधून उत्तमोत्तम भूमिका साकारल्या आहेत. 'स्वामिनी' या मालिकेमुळे ती प्रसिद्धीझोतात आली. नुकतंच सुरभीने दिवाळी आणि फटाके याबद्दल एक पोस्ट शेअर केली आहे. सुरभी भावे हिने नुकतंच फेसबुकवर एक पोस्ट शेअर केली आहे. यात तिने एक फोटो पोस्ट केला आहे. तिने तिच्या या पोस्टमध्ये चाहत्यांना दिवाळीच्या शुभेच्छा दिल्या आहेत. त्याबरोबरच तिने दिवाळीत फटाके वाजवणे का बंद केले? याचे कारण सांगितले आहे.आणखी वाचा : ‘सुका सुखी’ नव्हे तर महेश मांजरेकर ‘हे’ ठेवणार होते हॉटेलचे नाव, पण… सुरभी भावेची पोस्ट "दिवाळीच्या खूप खूप शुभेच्छा !! ह्या निमित्ताने एक आवाहन हवेत आधीच खूप प्रदूषण आहे, त्यात फटाके वाजवून भर टाकण्या पेक्षा एकमेकांच्या घरी जाऊन भेटू शकतो किंवा उत्तम वाचन ,उत्तम सिनेमा ,उत्तम नाटक असे सर्व पाहून दिवाळी साजरी करू शकतो… P.S आता जे मला उपदेशाचे डोस पाजतील की तू पण फटाके वाजवतच असशील वगैरे तर त्यांच्यासाठी, मी 4 थी मध्ये असताना कारगिल युद्ध झालेल. त्यावेळी मी फटाके न घेता गावात पैसे गोळा करून ते सैनिकांना दिलेले, तेव्हापासून मी जे फटाके वाजवणं बंद केलं ते आजतागायत मी फुलबाजी पण लावलेली नाही", असे सुरभी भावेने म्हटले आहे. सुरभीच्या या पोस्टवरुन अनेकांनी तिला ट्रोल केले आहे. तिने एका कमेंटवर प्रतिक्रिया देताना या ट्रोलिंगवर भाष्य केले आहे. "माझा मूळ मुद्दा न कळताच अकलेचे तारे तोडणाऱ्या सर्वांना शुभ दीपावली … माझ्या आधीच्या पोस्टला उगाच ट्रोल करून timepass करणाऱ्यानोमी शहाणपण स्वतःकडे ठेवायचं की त्याचं प्रदर्शन मांडायचं हे तुम्ही ठरवू शकत नाही… पब्लिसिटीची गरज नाही, अभिनेत्री असल्याने अनेक जण ओळखतात… रोजगार मिळतो ते दिसतं पण फटाका बनवताना कित्येक बालमजूरांचं शोषण होत ,त्यांचा मृत्यू होतो ते नाही दिसत का … कारगिल च भांडवल करावं हा मुद्दा तुमच्या डोक्यातून आला माझ्या नाही ,नुसतं विवेकानंदांचा फोटो लावून काही होत नाही विचार आचरणात आणा… हा आता तुमचा फटाक्यांचा बिझनेस असेल तर झोंबेल तुम्हाला हे आणि हो मी हिंदू असल्याचा मला नितांत अभिमान आहे ह्यासाठी कुणाच्या सर्टिफिकेट ची गरज नाही, बाकी तुमचा शहाणपण घरात दाखवत असालच …गेट वेल सून अकलेचे रॉकेट उडवा आणि विचारांचे अनार उडवा … आणि हो लवकर डोळ्यावर पट्टी बांधली आहे ना ती सोडून बघा जग सुंदर दिसेल", अशी कमेंट सुरभीने केली आहे. सुरभी भावे आणखी वाचा : ‘नाळ’ चित्रपटातील ‘मणी’च्या भूमिकेतील अभिनेता आहे प्रसिद्ध निर्मात्याचा मुलगा, कशी झाली निवड? जाणून घ्या किस्सा त्याबरोबरच सुरभीने एक पोस्ट शेअर केली आहे. यात तिने "माझा मूळ मुद्दा न कळताच अकलेचे तारे तोडणाऱ्या सर्वांना शुभ दीपावली … माझ्या आधीच्या पोस्ट ला उगाच ट्रोल करून timepass करणाऱ्यानो अकलेचे रॉकेट उडवा आणि विचारांचे अनार उडवा … आणि हो लवकर डोळ्यावर पट्टी बांधली आहे ना ती सोडून बघा जग सुंदर दिसेल", असा सल्लाही तिने दिला आहे. दरम्यान सुरभी भावे ही 'स्वामिनी' या मालिकेमुळे चर्चेत आली. ती 'पावनखिंड' आणि 'चंद्रमुखी' या चित्रपटात झळकली. सुरभी ही सोशल मीडियावरही कायम सक्रीय असते. सुरभीचं एक युट्यूब चॅनल देखील आहे.
