अभिनेत्री विशाखा सुभेदारने लेकाच्या वाढदिवसानिमित्ताने लिहिली खास पोस्ट, म्हणाली, “जे शिकायला परदेशी गेलायस…”

अभिनेत्री विशाखा सुभेदारने मुलाच्या वाढदिवसानिमित्ताने दोन पोस्ट लिहिल्या आहेत. पहिल्या पोस्टमध्ये तिने ‘शुभविवाह’ मालिकेच्या सेटवरील अभिनयचा व्हिडीओ शेअर केला आहे आणि लिहिलं आहे की, जेव्हा आपण एकत्र ‘शुभविवाह’च्या सेटवर काम करायचो. तेव्हा हा व्हिडीओ मी गुपचूप केला होता…मला वाटलं होतं की कामाच्या ठिकाणी फोनवर होतास तू. नंतर तू मला दाखवलं…प्रॉपर्टी काढत होतास ते…बऱ्याचदा असंच होतं की मला वाटतं की पोरगं टंगळ मंगळ करतंय. पण तू फोकस राहून काम करत होतास.

हेही वाचा – हिंदी मालिकेच्या सेटवर निशिगंधा वाड यांचा अपघात; तातडीने रुग्णालयात केलं दाखल

“तू जेव्हा कामात असतोस तेव्हा १०० टक्के कामात आणि आरामात असतोस तेव्हा १०० टक्के आरामात…हे असं राहणं खूप अवघड असतं खरंतर..पण तुमच्या पिढीला जमत बाई हे असं चिल राहणं आणि तरीही ऑन ऑफ बटण कधी वापरायचं हे देखील तुला माहित आहे…मुळातच खूप बॅलेंस असलेला आहेस तू…असाच राहा…खूप मोठा हो…आणि जे शिकायला परदेशी गेलायस ते सगळं शिक्षण पूर्ण करून, छान अनुभवाने मोठा होऊन ये. देव तुला जे जे हवं ते ते देवो…हेच देवाकडे आईचं मागणं अभिनय सुभेदार वाढदिवसाच्या खूप खूप शुभेच्छा.. खूप खूप प्रेम अबुली,” असं पहिल्या पोस्टमध्ये विशाखाने लिहिलं आहे.

हेही वाचा – Miss Universe 2024 : डेनमार्कची विक्टोरिया झाली ‘मिस युनिव्हर्स’, तर भारताची १८ वर्षांची सौंदर्यवती रिया सिंघा…

त्यानंतर विशाखा सुभेदारने मुलगा परदेशी जातानाचा व्हिडीओ शेअर करत लिहिलं आहे, “हॅप्पी बर्थडे अभिनय सुभेदार…जे जे तुला हवं ते ते ईश्वर तुला देवो…परदेशी तुझं स्वामी रक्षण करोत…दत्त म्हणून नेमका सज्जन माणूस तुझ्या पुढ्यात उभा राहो…आईसाहेब वणीस्थानी राहून तुझ्यावर लक्ष ठेवून आहेतच…आणि या आईकडून तुला खूप खूप आशीर्वाद आणि प्रेम.”

हेही वाचा – ‘इंद्रायणी’ मालिकेत झळकल्यानंतर मुक्ता बर्वेची खास पोस्ट, म्हणाली, “कितीतरी दिवसांनी…”

दरम्यान, अभिनेत्री विशाखा सुभेदारच्या या पोस्ट सोशल मीडियावर व्हायरल झाल्या आहेत. तसंच तिच्या चाहत्यांनी अभिनय सुभेदारला वाढदिवसाच्या शुभेच्छा दिल्या आहेत.