आज मराठी भाषा गौरव दिन. प्रसिद्ध मराठी कवी विष्णू वामन शिरवाडकर म्हणजे कुसुमाग्रज यांची जयंती. त्यानिमित्ताने हा दिवस मराठी भाषा गौरव दिन म्हणून साजरा करण्यात येतो. यानिमित्ताने अनेक कलाकार हे सोशल मीडियावर पोस्ट करत शुभेच्छा देताना दिसत आहे. नुकतंच अभिनेत्री प्राजक्ता माळी हिने एक पोस्ट शेअर केली आहे. प्राजक्ता माळी ही सोशल मीडियावर कायमच सक्रीय असते. नुकतंच प्राजक्ता माळीने तिचा एक फोटो शेअर केला आहे. या फोटोत ती मराठमोळ्या लूकमध्ये पाहायला मिळत आहे. तिने छान नऊवारी साडी, गळ्यात पारंपारिक दागिने आणि नाकात नथ घातली आहे. याला दिलेल्या कॅप्शनद्वारे तिने तिच्या चाहत्यांना मराठी भाषा गौरव दिनाच्या शुभेच्छा दिल्या आहेत.आणखी वाचा : “वैभव तत्त्ववादी माझा…” प्राजक्ता माळीने उघड केले मोठे गुपित प्राजक्ता माळीची पोस्ट "प्रेम म्हणजे वणवा होऊन जाळत जाणं..प्रेम म्हणजे जंगल होऊन जळत राहणं…प्रेम कर भिल्लासारखं बाणावरती खोचलेलं..मातीमध्ये उगवून सुद्धा मेघापर्यंत पोहोचलेलं…कवीश्रेष्ठ कुसूमाग्रजांनी लिहीलेल्या ह्या ओळींसारखंच प्रेम आहे माझं, माझ्या “मराठीवर”…जे आहे आज, राहील उद्या , परवा..मरणोत्तरही…..“मराठी भाषा गौरव दिनाच्या”; महाराष्ट्राला आभाळभर शुभेच्छा…", असे प्राजक्ता माळीने म्हटले आहे. आणखी वाचा : सुप्रसिद्ध मराठी अभिनेत्रीने शेअर केला अंघोळ करतानाचा बोल्ड फोटो, कॅप्शन चर्चेत दरम्यान प्राजक्ता माळीने आतापर्यंत अनेक मालिका, चित्रपट आणि वेबसीरिजमध्ये काम केले आहे. तिने निवडलेल्या भूमिकांचे कायमच कौतुक होताना दिसते. ती लवकरच एका चित्रपटात झळकणार आहे. मात्र याचे नाव अद्याप जाहीर करण्यात आलेले नाही.
