‘आई कुठे काय करते’मध्ये मोठा ट्विस्ट; आशुतोषचे निधन; प्रोमो पाहून प्रेक्षक भडकले, म्हणाले, “मालिकेचे नावही…”

स्टार मराठी सिरिअल ऑफिशिअल या इन्स्टाग्राम पेजवर ‘आई कुठे काय करते’ या मालिकेचा नवा प्रोमो शेअर केला आहे. या प्रोमोमध्ये आता आशुतोषचे निधन झाल्याचे दाखविण्यात आले आहे. आशुतोषच्या निधनाने अरुंधतीला मोठा धक्का बसला आहे. या सगळ्याला आशुतोषची आई अरुंधतीला जबाबदार धरते. तेवढ्यात अरुंधतीची आधीची सासू कांचन तिथे येते आणि ती अरुंधतीच्या बाजूने ठामपणे उभी राहते. त्यावर आशुतोषची आई कांचनला “तुमच्या सुनेला (अरुंधतीला) तुमच्याकडेच घेऊन जा”, असे म्हणते. त्यावर कांचन म्हणते “मी घेऊन जाण्यासाठीच आली आहे; पण सुनेला नाही, तर माझ्या मुलीला”. सोशल मीडियावर हा प्रोमो मोठया प्रमाणात व्हायरल होत आहे.

आणखी वाचा

भुवनेश्वरीचा डाव यशस्वी! अक्षरा घर सोडून जाणार? अधिपतीने धरले आईचे पाय; म्हणाला, “आमच्या आईसाहेब…”

कल्याण मारहाण प्रकरण: “तो म्हणाला मुख्यमंत्री कार्यालयातून एक…

मेहंदी रंगली गं! ‘तुला शिकवीन चांगलाच धडा’ फेम अभिनेत्रीची लगीनघाई; ‘या’ दिवशी अडकणार विवाहबंधनात

वरुण धवनचा रावडी अंदाज आणि जबरदस्त अ‍ॅक्शन असलेल्या ‘बेबी जॉन’चा ट्रेलर प्रदर्शित; अभिनेता म्हणाला, “हा सिनेमा खूपच…”

पुणे: लग्नाचं आमिष दाखवणं पडलं महागात; लैंगिक अत्याचारा प्रकरणी ‘या’ न्यायालयाने सुनावली वीस वर्षाची शिक्षा

रात्रभर झोप लागत नाही? झोपण्यापूर्वी ‘हे’ खा; शांत झोप लागेल अन् तणावही होईल दूर

लग्नानंतर होईलच प्रेम : ‘या’ तामिळ मालिकेचा रिमेक, मृणालचं कमबॅक अन्…; पाहा जबरदस्त नवीन प्रोमो

पहिल्याच सिनेमासाठी दिग्दर्शकानं नाकारलं, झोपडपट्टीत राहिला होता ‘हा’ अभिनेता; अनुभव शेअर करत म्हणाला, “मी त्यांच्या बोलण्याचा…”

मात्र, हा प्रोमो बघून प्रेक्षक खूपच भडकले आहेत. अनेकांनी या प्रोमोच्या व्हिडीओवर कमेंट करीत संताप व्यक्त केला आहे. एकाने लिहिले, “कृपया ही मालिका बंद करा. खूप अति होतंय आता”. तर दुसऱ्याने, “काय फालतूगिरी आहे. लोक बघतात म्हणून काहीही दाखवता का? थोडं इंटरेस्टिंग दाखवत आहेत म्हणून बघायला सुरुवात केली, तर आता पुन्हा असलं दाखवतायत,” अशी कमेंट केली आहे.तिसऱ्याने, “मी आता ही मालिकाच बघणं बंद करणार आहे,” अशी कमेंट करीत संताप व्यक्त केला आहे. तर आणखी एकाने खूप बोरिंग मालिका आहे ही, आता या मालिकेचे नाव ऐकण्याचीही इच्छा होत नाही” अशी कमेंट केली आहे. तर काहींनी “आता कांचन अरुंधतीचं लग्न अनिरुध्दबरोबर लावून देणार” असे म्हणत ट्रोल केले आहे.

हेही वाचा- “ईडीचा सापळा फाडून…”, किरण मानेंनी केलं काँग्रेसच्या डी.के. शिवकुमारांचं कौतुक; म्हणाले, “लाचारी पत्करून…”

काही दिवसांपासून आई कुठे काय करते मालिका बंद होणार असल्याच्या चर्चांना उधाण आले होते. मात्र, मालिकेतील अनिरुद्ध म्हणजे अभिनेते मिलिंद गवळी यांनी याबाबत स्पष्टीकरण दिले होते. “मालिकेचं कथानक अजून पूर्ण झालेलं नाही. त्यामुळे जोपर्यंत कथा पूर्ण होत नाही, तोपर्यंत ही मालिका बंद होणार नाही,” असे ते म्हणाले होते.