‘माझी तुझी रेशीमगाठ’ मालिकेतून मायराने छोट्या पडद्यावर पदार्पण केलं आणि सर्वांची शाबासकी मिळवली. तिचा निरागसपणा प्रेक्षकांना भावला. तिचे आई-वडील सोशल मीडियावरून मायराबद्दल अनेक गोष्टी चाहत्यांची शेअर करत असतात. आता सर्वांची लाडकी परी श्रीकृष्णाच्या वेशभूषेत सजली आहे. ‘माझी तुझी रेशीमगाठ’ या मालिकेने काही दिवसांपूर्वीच प्रेक्षकांचा निरोप घेतला. ही मालिका जरी संपली असली तरी मायर सोशल मिडियावरून तिच्या चाहत्यांच्या संपर्कात असते. या मालिकेमुळे तिचा चाहतावर्ग खूप वाढला आहे. तिचे आई-वडील सोशल मिडियावर सक्रिय राहून मायरच्या आयुष्यात घडणाऱ्या महत्वाच्या घडामोडी तिच्या चाहत्यांशी शेअर करत असतात. आता तिचे काही फोटो खूप व्हायरल होत आहेत. हेही वाचा : “आज तू सातासमुद्रापार…” लेकीच्या वाढदिवशी सुकन्या मोने भावूक, पोस्ट चर्चेत मायरने नुकतंच तिचं एक नवीन फोटोशूट केलं. या फोटोंसाठी तिने श्रीकृष्णाची वेशभूषा केली आहे. निळ्या रंगाचे काठ असलेला पिवळ्या रंगाचा तिचा ड्रेस आहे आणि त्यावर मोरपिसदेखील आहे. यासोबतच डोक्यावर मोती लावलेली पगडीही तिने घातली आहे. ही वेशभूषा मायरासाठी खूपच खास आहे. याचं कारण म्हणजे हा ड्रेस स्वतः तिच्या आईने डिझाईन केला आहे. यासोबतच मायराने अंगावर मोत्याचे दागिने परिधान केले आहेत. आणखी वाचा : Video: परीच्या वाढदिवसानिमित्त प्रार्थना बेहरेची खास पोस्ट, म्हणाली, “मला तू…” या लूकमध्ये ती अत्यंत गोड दिसत आहे. आता तिचे हे फोटो सोशल मिडियावर खूपच व्हायरल होत आहेत. या फोटोंवर तिच्या चाहत्यांनी लाईक्स आणि कमेंट्सचा वर्षाव करत तिचं हे गोजिरवाणं रूप आवडल्याचं तिला सांगितलं आहे.
