मराठी मनोरंजनसृष्टीतील अनेक कलाकारांच्या घरी सध्या लगीनघाई सुरु आहे. अमृता देशमुख आणि प्रसाद जवादे, स्वानंदी टिकेकर आणि आशिष कुलकर्णी यांच्यानंतर आता छोट्या पडद्यावरील लोकप्रिय अभिनेत्री मीरा जोशीने लग्नाची तारीख जाहीर केली आहे. काही दिवसांपूर्वी अभिनेत्रीने बॉयफ्रेंडसह समुद्रकिनाऱ्यावरील फोटो शेअर केले होते. परंतु, यात तिच्या होणाऱ्या नवऱ्याचा चेहरा दिसत नव्हता. आज मीराने बॉयफ्रेंडचा चेहरा दाखवत लग्नाबद्दल माहिती दिली आहे.
हेही वाचा : “मुलीवर प्रेम असल्याचं…”, करण जोहरने केला मोठा खुलासा; म्हणाला, “‘त्या’ शब्दामुळे नैराश्येत होतो”
मीरा जोशीने ही आनंदाची बातमी सोशल मीडियावर शेअर केली आहे. तिच्या होणाऱ्या नवऱ्याचे नाव नेहुल वारुळे असे आहे. नेहुला हा अभिनेता आणि उत्तम कोरिओग्राफर आहे. छोट्या पडद्यावरील अनेक डान्सच्या शोसाठी त्याने कोरिओग्राफर म्हणून काम पाहिले आहे. नेहुलने मी होणार सुपरस्टार या शोमध्ये विजयीदेखील झाला होता.
हेही वाचा : छत्रपती शिवाजी महाराजांची भूमिका साकारताना चिन्मय मांडलेकर करतो ‘अशी’ तयारी; पाहा पडद्यामागचा व्हिडीओ
मीराने काही दिवसांपूर्वी नेहुलसह समुद्रकिनाऱ्यावरील रोमॅंटिक फोटो शेअर केले होते. परंतु, त्यात नेहुलचा चेहरा दिसत नव्हता. त्यामुळे अभिनेत्रीचा बॉयफ्रेंड नेमका कोण आहे? याबाबत चाहत्यांच्या मनात उत्सुकता निर्माण झाली होती. अखेर मीराने नेहुलचा चेहरा दाखवत लग्नाची तारीख जाहीर केली आहे. येत्या ५ सप्टेंबरला दोघेही विवाहबंधनात अडकणार आहेत.
दरम्यान, मीरा जोशी अभिनेत्री असण्याबरोबरचं उत्तम नृत्यांगना सुद्धा आहे. ‘लाल बत्ती’, ‘युथ’, ‘शिवा’ अशा अनेक चित्रपटांमध्ये तिने काम केलं आहे. ‘तुझं माझं ब्रेकअप’ या छोट्या पडद्यावरील मालिकेमुळे अभिनेत्री घराघरांत पोहोचली. आता मीरा तिच्या बॉयफ्रेंडचा चेहरा आणि नाव केव्हा उघड करणार याची तिचे चाहते आतुरतेने वाट पाहत आहेत.
