अभिनेत्री शिवानी रांगोळे आणि विराजस कुलकर्णी हे मराठी मनोरंजन सृष्टीतील एक लोकप्रिय जोडपं. गेल्या वर्षी अक्षय्य तृतीयेच्या मुहूर्तावर त्यांनी लग्नगाठ बांधली. आज तिथीनुसार त्यांच्या लग्नाचा पहिला वाढदिवस आहे. यानिमित्त अभिनेत्री मृणाल कुलकर्णी यांनी त्यांच्या लेकासाठी आणि सूनेसाठी एक खास पोस्ट लिहिली आहे. लग्नाआधी अनेक वर्षे शिवानी आणि विराजस यांची मैत्री असल्याने विराजसच्या कुटुंबियांशीही शिवानीचे लग्नाआधीच खूप छान बॉण्डिंग तयार झाले. मृणाल कुलकर्णी देखील सोशल मीडियाच्या माध्यमातून त्या दोघांबद्दल असलेल्या प्रेम वेळोवेळी व्यक्त करत असतात. आज त्यांच्या लग्नाला एक वर्ष झालं. मृणाल कुलकर्णी यांनी एक पोस्ट लिहित त्यांना लग्नाच्या वाढदिवसाच्या शुभेच्छा दिल्या आहेत. आणखी वाचा : मृणाल कुलकर्णी यांनी खाल्ले होते तळलेले किडे, अनुभव शेअर करत म्हणाल्या, “त्याची चव…” विराजस आणि शिवानीच्या लग्नातले दोन फोटो पोस्ट करत त्यांनी लिहिलं, "प्रिय शिवानी आणि विराजस, आज अक्षय तृतीया. तिथी नुसार तुमच्या लग्नाचा आज पहिला वाढदिवस !!! एक वर्ष झालं सुद्धा !!! अशीच वर्षं पटापट निघून जातील आणि मग आम्हा सगळ्यांसारखे तुम्ही पण म्हणाल, बापरे इतकी वर्ष झाली? कमालच्चे !!! खूप स्वप्नं बघा आणि ती पुरी करण्यासाठी भरपूर कष्ट करा ! आनंदी राहा ! खूप खूप प्रेम !!" हेही वाचा : “प्रिय शिवानी, तू आल्यापासून जाणवतंय…”; मृणाल कुलकर्णींची सूनबाईंच्या वाढदिवसानिमित्त खास पोस्ट आता त्यांची ही पोस्ट खूप चर्चेत आली आहे. या पोस्टवर कमेंट करत त्यांचे आणि विराज-शिवानीचे चाहते त्या दोघांना लग्नाच्या पहिल्या वाढदिवसाच्या शुभेच्छा देत आहेत.
