Navri Mile Hitlerla : 'झी मराठी' वाहिनीवरील 'नवरी मिळे हिटलरला' मालिका आता लोकप्रिय मालिकांपैकी एक आहे. या मालिकेतील एजे व लीलाच्या जोडीने प्रेक्षकांची चांगलीच मनं जिंकली आहेत. अभिनेता राकेश बापटने एजे (अभिराम जहागीरदार)ची, तर अभिनेत्री वल्लरी विराजने लीलाची भूमिका उत्तमरित्या साकारली आहेत. त्यामुळेच एजे व लीला घराघरात पोहोचले आहेत. अशातच दोघांच्या एका जबरदस्त परफॉर्मन्सचा डान्स व्हिडीओ सध्या सोशल मीडियावर चांगलाच व्हायरल झाला आहे. जन्माष्टमी व दहीहंडी निमित्ताने 'झी मराठी' वाहिनीवर आज 'गोविंदा आला रे' कार्यक्रम प्रसारित होणार आहे. या कार्यक्रमात 'झी मराठी'च्या मालिकांमधील जोड्यांचा परफॉर्मन्स पाहायला मिळणार आहे. 'नवरी मिळे हिटलरला' ( Navri Mile Hitlerla ) मालिकेतील एजे व लीलाने देखील भन्नाट डान्स केला आहे, ज्याचा व्हिडीओ समोर आला आहे. हेही वाचा - कंगना रणौत यांना ‘संजू’ चित्रपटात काम करण्याची मिळाली होती संधी; म्हणाल्या, “रणबीर कपूर स्वतः माझ्या घरी आला अन्…” 'झी मराठी'ने सोशल मीडियावर एजे व लीलाचा डान्स व्हिडीओ शेअर केला आहे. या व्हिडीओमध्ये एजे व लीला 'येरेयेरे पैसा' चित्रपटातील 'खंडाळा घाट' गाण्यावर डान्स करताना दिसत आहेत. दोघांचा या जबरदस्त परफॉर्मन्सने सगळ्यांचं लक्ष वेधून घेतलं आहे. View this post on Instagram A post shared by नवरी मिळे हिटलरला (@navarimilehittlerla) एजे व लीलाच्या या डान्स व्हिडीओवर नेटकऱ्यांनी भरभरून प्रतिक्रिया दिल्या आहेत. "खूप सुंदर डान्स आणि खूपच सुंदर जोडी", "एजे लीलाची परफेक्ट जोडी", "एकदम झकास परफॉर्मन्स", "एजे-लीला खूप मस्त डान्स केला", "सुपर आणि जोडी नंबर", एक अशा प्रतिक्रिया नेटकऱ्यांच्या उमटल्या आहेत. हेही वाचा – ठरलं तर मग : प्रियाने धक्का मारताच सायली जिन्यावरून घसरली! बायकोला बेशुद्ध पाहताच अर्जुन बिथरला…; पाहा नवीन प्रोमो सध्या मालिकेत काय सुरू आहे? 'नवरी मिळे हिटलरला’ ( Navri Mile Hitlerla ) मालिकेत सध्या लीलाचं हिटलर एजेबद्दलचं मत हळूहळू बदलताना दिसत आहे. एजेची दुसरी बाजू आता समोर येत आहे. त्यामुळे दोघांचं नातं अजून खुलताना पाहायला मिळत आहे. लवकरच लीला एजेच्या हॉटेलमध्ये वेटरची नोकरी करताना दिसणार आहे. यावेळी एजे लीलाला कसा हातभार लावतो? तिची कशी काळजी घेतो? हे पाहायला मिळणार आहे.
