‘भाग्य दिले तू मला’ या मालिकेत खलनायिकेची भूमिका साकारणारी अभिनेत्री जान्हवी किल्लेदार आता घराघरांत लोकप्रिय झाली आहे. तिने या मालिकेत ‘सानिया’ हे पात्र साकारले आहे. अभिनेत्री सोशल मीडियावर प्रचंड सक्रिय असते. ‘भाग्य दिले तू मला’ मालिकेची संपूर्ण टीम लोणावळ्यात पावसाळी सुट्ट्यांचा आनंद घेण्यासाठी गेली होती. लोणावळ्यातील अनेक फोटो जान्हवीने तिच्या सोशल मीडियावर शेअर केले आहेत. या सर्वात तिने शेअर केलेला एक व्हिडीओ सध्या चर्चेचा विषय ठरत आहे. या व्हिडीओमुळे अभिनेत्रीचे काही चाहते नाराज झाले आहे.
हेही वाचा : ओटीटीवरील आक्षेपार्ह आणि अश्लील कंटेटवर निर्बंध येणार? मंत्री अनुराग ठाकूर यांनी घेतली महत्त्वाची बैठक
जान्हवी किल्लेकरने स्विमिंग पूलमध्ये पावसाचा आनंद घेत असलेला व्हिडीओ सोशल मीडियावर शेअर केला आहे. या व्हिडीओत जान्हवीने शॉर्ट ड्रेस घातला आहे. ‘भाग्य दिले तू मला’ या मालिकेमुळे प्रेक्षकांना जान्हवीला नेहमी साड्यांमध्ये पाहण्याची सवय झाली आहे. त्यामुळे अचानक अभिनेत्रीचा बोल्ड अंदाजातील व्हिडीओ पाहून तिच्या चाहत्यांनी यावर नाराजी दर्शवली आहे.
जान्हवीने शेअर केलेल्या व्हिडीओवर एका युजरने लिहिले आहे की, “ताई, साडीतच राहा हे नको करुस…” तर, दुसऱ्या एका युजरने “प्लीझ साडीतले रिल्स शेअर करा” अशा प्रतिक्रिया या व्हिडीओवर दिल्या आहेत.
दरम्यान, ‘भाग्य दिले तू मला’ मालिकेत तन्वी मुंडले, विवेक सांगळे, निवेदिता सराफ, अमित रेखी, जान्हवी किल्लेकर, पूर्वा फडके, सौरभी भावे या कलाकारांनी महत्त्वाच्या भूमिका साकारल्या आहेत.
