‘सातव्या मुलीची सातवी मुलगी'(Satvya Mulichi Satvi Mulgi) या मालिकेत सतत काही ना काही घडताना दिसते. आता या मालिकेत पुन्हा एकदा नवीन वळण येणार असल्याचे पाहायला मिळणार आहे.’झी मराठी’ वाहिनीने सोशल मीडियावर ‘सातव्या मुलीची सातवी मुलगी’ मालिकेचा प्रोमो शेअर केला आहे.
नेत्राने केलेली युक्ती यशस्वी ठरणार
झी मराठी वाहिनीने ‘सातव्या मुलीची सातवी मुलगी’ या मालिकेचा प्रोमो शेअर केला आहे. या प्रोमोमध्ये पाहायला मिळते की नेत्रा केदारला म्हणते, “तुम्हाला जे काम दिलंय ते आज रात्री व्हायला हवं”, यावर केदार म्हणतो, “बघतो”, त्याचे हे शब्द ऐकून नेत्रा म्हणते, “मग तो व्हिडीओ…”, नेत्राने असे म्हणताच केदार करतो असे म्हणतो. त्यानंतर केदार सगळ्यांना एकत्र बोलवतो आणि म्हणतो, यापुढे सगळ्यांनी दादाशी चांगलं बोलायचं. त्याची पत्नी केतकी म्हणते, “तू हे सगळं कोणाच्या दबावाखाली बोलत नाहीयेस ना?” तिच्या या प्रश्नावर केदार बसलेला दिसत आहे. याबरोबरच, केदार अचानक सगळ्यांना शेखरशी चांगले बोलायला का सांगत आहे, असा प्रश्नही घरातील सर्वांना पडल्याचे त्यांच्या चेहऱ्यावर पाहायला मिळत आहे.
हा प्रोमो शेअर करताना झी मराठी वाहिनीने, “केदारचं शेखरशी वागणं बदलणार…”, अशी कॅप्शन दिली आहे.
मालिकेत दाखविल्याप्रमाणे, मेघना अद्वैतच्या आयुष्यात त्याची सेक्रेटरी म्हणून प्रवेश करते. सतत त्याच्या जवळ राहण्याचा प्रयत्न करते. बंटी, ज्याला शतग्रीव म्हणूनही ओळखले जाते, त्याने ठरवले की तो आता शाळेत जाणार नाही . शेखरच्या परत आल्याने नेत्राला खूप आनंद होतो. घरी आल्यावर केदार शेखरला धमकावतो आणि काही महत्त्वाची माहिती त्याच्याकडून काढून घेतो. पण नेत्रा आधीच केदारच्या कृत्यांचे व्हिडिओ क्लिप्स रेकॉर्ड करून ठेवते. नेत्रा ते व्हिडीओ केदारला दाखवते आणि त्याला इशारा देते की तो व्हिडीओ ती संपूर्ण कुटुंबाला दाखवेल ज्यामुळे केदारचे सत्य समोर येईल. नेत्राच्या या धमकीमुळे केदारला आपल्या केलेल्या गोष्टी सुधारण्यास भाग पाडलं जातं. नेत्रा त्या व्हिडिओ क्लिप्सचा वापर करून सर्व काही ठीक करण्याचा प्रयत्न करते, आणि शेवटी तिच्या धाडसामुळे परिस्थिती हळूहळू सुधारू लागल्याचे पाहायला मिळत आहे.
दरम्यान, आता केदार यापुढे काय पाऊल उचलणार, मालिकेत पुढे काय होणार हे पाहण्यासाठी प्रेक्षक उत्सुक असते.
