‘लाखात एक आमचा दादा’ फेम नितीश चव्हाणने शेअर केला ईशा संजयबरोबर व्हिडीओ; नेटकरी म्हणाले, “नाव सांगू का शीतलला?”

काय म्हणाले नेटकरी?

लाखात एक आमचा दादा’ मालिकेत सूर्याची भूमिका नितीश चव्हाणने निभावली आहे, तर राजश्रीची भूमिका ईशा संजयने निभावली आहे. नितीश चव्हाणने ईशाबरोबर एक डान्स केला आहे, ज्यामध्ये तो मजेशीर पद्धतीने डान्स स्टेप करताना दिसत आहे. हा व्हिडीओ नितीश चव्हाणने त्याच्या इन्स्टाग्राम अकाउंटवर शेअर केला आहे. हा व्हिडीओ शेअर करताना नितीशने सूर्या दादाची पुकी साईड (Pookie Side) असे लिहिले आहे. नितीश व ईशा दोघेही हा डान्स करताना गोड दिसत आहेत. या व्हिडीओवर अनेक चाहत्यांनी कमेंट केल्याचे दिसत आहे. नितीश चव्हाणने शेअर केलेल्या या व्हिडीओवर अनेकांनी मजेशीर कमेंट केल्या आहेत. “अजिंक्य तू कशाला दुसऱ्या मुलीच्या नादाला लागतोयस, का नाव सांगू शीतलला?”, “काय राव फौजी”, अशा कमेंट पाहायला मिळत आहेत. तर अनेकांनी हार्ट इमोजी शेअर करत प्रेम व्यक्त केले आहे.

नितीश चव्हाणने याआधी ‘लागिरं झालं जी’ या मालिकेत काम केले आहे. नितीश चव्हाणने यामध्ये अजिंक्य ही भूमिका साकारली होती, तर अभिनेत्री शिवानी बावकरने शीतल ही भूमिका साकारली होती. शीतल-अजिंक्य या जोडीला प्रेक्षकांकडून मोठे प्रेम मिळाल्याचे पाहायला मिळाले होते.

हेही वाचा: “फर्निचरचं दुकान चालवण्यासाठी सर्वसामान्यांची फसवणूक…” म्हणणाऱ्यावर धनंजय पोवार भडकला, म्हणाला, “किती घाणेरडी वृत्ती…”

दरम्यान, ‘लागिरं झालं जी’ मालिकेनंतर तो पुन्हा एकदा नव्या भूमिकेतून प्रेक्षकांच्या भेटीला आला आहे. सूर्यादादाची भूमिकासुद्धा प्रेक्षकांना आवडत असल्याचे दिसत आहे. ‘लाखात एक आमचा दादा’ मालिकेत सध्या तुळजाच्या हाती शत्रूविरूद्ध पुरावा सापडल्याचे दिसत आहे, तर भाग्यावर मोठे संकट आल्याचे दिसत आहे. आता शत्रूचा खरा चेहरा डॅडींसमोर येणार का हे पाहणे महत्त्वाचे ठरणार आहे.