‘महाराष्ट्राची हास्यजत्रा’मध्ये पुन्हा एकदा ओंकार भोजनेची धमाल, शोचा प्रोमो पाहून प्रेक्षक म्हणाले, “आता खरी मजा येणार…”

‘महाराष्ट्राची हास्यजत्रा’ सोडताना ओंकार भोजने काय म्हणाला होता? दिग्दर्शक म्हणाले, “तो खूप…”

सोनी मराठीने एक प्रोमो व्हिडीओ शेअर केला आहे, ज्यामध्ये ओंकार भोजने दिसत आहे. “हास्यजत्रेत पुन्हा एकदा ओंकार भोजनेची धमाल… पाहा, ‘महाराष्ट्राची हास्यजत्रा’ – सहकुटुंब हसू या! – दिवाळी स्पेशल,” असं कॅप्शन देत हा व्हिडीओ इन्स्टाग्रामवर शेअर करण्यात आला आहे. यामध्ये ओंकार प्रसाद खांडेकर, इशा, पृथ्वीक प्रताप यांच्याबरोबर स्किट करताना दिसत आहे.

ओंकार हास्यजत्रेत पुन्हा दिसणार हे कळताच चाहते व्हिडीओवर कमेंट्स करत आहेत. ‘वा वा लयभारी आता खरी मजा येणार, खूपच आंनद झाला बघून’, ‘आत्ता गौरव आणि ओंकार नुसता धिंगाणा’, ‘आता पुन्हा महाराष्ट्राची हास्यजत्रा बघणार’, ‘आता आला आहे तर परत जाऊ देऊ नका’, ‘ओंकार तुला शोमध्ये खूप मिस केलं’, अशा प्रकारच्या कमेंट्स चाहते या व्हिडीओवर करत आहेत.

ओंकार भोजनेच्या मानधनाबाबत ‘महाराष्ट्राची हास्यजत्रा’चे दिग्दर्शक म्हणाले, “तो स्वतः म्हणाला होता की…”

दरम्यान, ओंकार भोजने येत्या शनिवार व रविवारच्या एपिसोडमध्ये पाहायला मिळणार आहे. ओंकार यापुढे प्रत्येक एपिसोडमध्ये दिसेल की फक्त या दिवाळी स्पेशल एपिसोडसाठी आला आहे, याबाबत स्पष्ट माहिती देण्यात आलेली नाही. पण व्हिडीओत ‘कधी नव्हे ते एकदाच आलोय’, असं म्हणताना तो दिसतोय त्यावरून तो फक्त दिवाळी स्पेशल एपिसोडमध्येच दिसू शकतो. पण ओंकार किंवा शोच्या निर्मात्यांनी माहिती दिल्याशिवाय ओंकारचा ‘महाराष्ट्राची हास्यजत्रा’मधील प्रवास केवढा असेल याबाबत सांगता येणार नाही.