अनुपम खेर यांना ‘द कपिल शर्मा शो’मध्ये पाहून नेटकरी नाराज; म्हणाले, “‘द काश्मीर फाईल्स’च्या वेळी…”

अभिनेते अनुपम खेर लवकरच ‘ऊंचाई’ या चित्रपटात दिसणार आहेत. यानिमित्त त्यांनी नुकतेच ‘द कपिल शर्मा शो’च्या आगामी एपिसोडचे शूटिंग केले. यावेळेचे फोटो त्यांनी सोशल मीडियावर शेअर केले. या फोटोंमध्ये ते कपिल शर्माबरोबर पोज देताना दिसत आहे. अनुपम खेर यांनी कॅप्शनमधून ‘द कपिल शर्मा’शोमध्ये आमंत्रित केल्याबद्दल त्याचे आभार मानले आहेत. पण अनुपम खेर यांची ही पोस्ट पाहून काही चाहते संतापले आहेत.

आणखी वाचा

Video: ‘तारक मेहता…’ मधील भिडे मास्तर पोहोचले पेरुच्या शेतात अन् बायकोबरोबर केला मकरंद अनासपुरेंच्या गाण्यावर जबरदस्त डान्स, पाहा व्हिडीओ

महायुतीला सत्ता मिळाली, लाडक्या बहिणींना २१०० रुपये कधीपासून…

Video: ‘थोडं तुझं आणि थोडं माझं’मधील तेजसने सोलापुरी भाषेत मानसीला केलं प्रपोज, म्हणाला, “बार्शी तिथं सरशी…”

Video: अर्जुनचं ‘ते’ कृत्य पाहून प्रियाला बसला धक्का आता…; पाहा ‘ठरलं तर मग’ मालिकेच्या महाएपिसोडचा प्रोमो

Raosaheb Danve : कार्यकर्त्याला लाथ मारल्याच्या व्हिडीओवर रावसाहेब दानवेंची प्रतिक्रया; म्हणाले, “माझ्यातला कार्यकर्ता जागा होतो, तेव्हा…”

‘महाराष्ट्राची हास्यजत्रा’च्या सेटवर ‘फुलवंती’ चित्रपटाची चर्चा, प्राजक्ता माळीने शेअर केला व्हिडीओ; पृथ्वीक प्रताप म्हणाला, “मला फुलवंती पेक्षा जास्त…”

‘छावा’नंतर भगवान परशुरामाची भूमिका साकारणार विकी कौशल; सिनेमाचे पहिले पोस्टर आणि जबरदस्त लूक आला समोर

आणखी वाचा : आलियाच्या होणाऱ्या बाळासाठी दीपिका उत्सुक; स्टोरी शेअर करत म्हणाली…

अनुपम खेर काही महिन्यांपूर्वी घडलेल्या गोष्टी विसरून ‘द कपिल शर्मा शो’मध्ये कसे आले असा प्रश्न नेटकऱ्यांना पडला आहे. या पोस्टवर कमेंट करत अनेकजण राग व्यक्त करत आहेत. तर काहींनी अनुपम खेर यांना काही महिन्यांपूर्वी घडलेल्या घटनांची आठवण करून दिली. अनुपम खेर यांची महत्वपूर्ण भूमिका असलेला ‘द काश्मीर फाईल्स’ हा चित्रपट मार्च २०२२ मध्ये प्रदर्शित झाला. तेव्हा कपिल शर्माने ‘द कश्मीर फाइल्स’च्या प्रमोशनदरम्यान या चित्रपटाच्या टीमला त्यांच्या शोमध्ये आमंत्रित केले नव्हते. त्यावर अनुपम खेर यांनी सोशल मीडियावर आपली नाराजी व्यक्त केली होती.

चाहत्यांनी अनुपम खेर यांना याच घटनेची आठवण करून दिली असून “त्यांच्यासोबत जे काही घडले ते सर्व विसरले का?” असा प्रश्नही नेटकऱ्यांनी त्यांना विचारला आहे. अनुपम खेर यांच्या पोस्टवर एका नेटकऱ्याने कमेंट करत लिहिले, “कपिल शर्माने ‘द काश्मीर फाईल्स’ला सपोर्ट का केला नाही? बॉलीवूडचा दुटप्पीपणा आणि इथे काम करणाऱ्या लोकांचे दोन चेहरे पाहून मन भरलं आहे आता सर जी.” आणखी एका यूजरने लिहिले की, “कपिलने तुम्हाला ‘द काश्मीर फाईल्स’च्या प्रमोशनसाठी आमंत्रित केले नाही.” अनुपम खेर यांना ‘द कपिल शर्मा शो’मध्ये पाहून चाहते नाखूष आहेत.

मात्र, ‘द काश्मीर फाईल्स’ चित्रपटाच्या प्रमोशनदरम्यान अनुपम खेर यांनी ‘टाइम्स नाऊ’ला दिलेल्या मुलाखतीत सांगितले की ते ‘द काश्मीर फाईल्स’च्या प्रमोशनसाठी कपिल शर्माच्या शोमध्ये का गेले नाहीत. ‘द काश्मीर फाईल्स’ हा एका गंभीर विषयावर बनवण्यात आलेला चित्रपट आहे आणि ‘द कपिल शर्मा शो’ हा विनोदी कार्यक्रम असल्याने त्यांनी कपिलच्या शोमध्ये जाण्यास नकार दिला होता.

हेही वाचा : काश्मीरमध्ये अनुपम खेर आईसाठी घर विकत घेणार, लेकाने वचन देताच दुलारी झाल्या भावूक

दरम्यान, अनुपम खेर यांचा ‘ऊंचाई’ हा चित्रपट प्रेक्षकांच्या भेटीला येणार आहे. या चित्रपटामध्ये त्यांच्यासह अमिताभ बच्चन, बोमन इराणी, नीना गुप्ता, डॅनी डॅन्झोपा हे कलाकार दिसणार आहेत. राजश्री फिल्म्सच्या सूरज बरजातिया यांनी या चित्रपटाचे दिग्दर्शन केले आहे. चार जिवलग मित्रांची कथा सांगणारा हा चित्रपटाचा ट्रेलर काही दिवसांपूर्वी प्रदर्शित करण्यात आला होता. सध्या चित्रपटाची टीम प्रमोशनल कार्यक्रमांमध्ये व्यस्त आहे.