‘स्टार प्रवाह’वरील ‘फुलाला सुगंध मातीचा’ ही मालिका चांगलीच गाजली होती. या मालिकेतील प्रत्येक पात्राने प्रेक्षकांची मनं जिंकली होती. कीर्ती-शुभमची जोडी तर हीट झाली होती. त्याबरोबरच इतर पात्रांना देखील प्रेक्षकांनी डोक्यावर घेतलं होतं. आता यामालिकेतील एक प्रसिद्ध अभिनेत्री ‘स्टार प्रवाह’च्या लोकप्रिय मालिकेत झळकणार आहे.
‘फुलाला सुगंध मातीचा’ मालिकेतील जीजीअक्का पुन्हा एकदा प्रेक्षकांच्या भेटीस येणार आहे. अभिनेत्री अदिती देशपांडे यांनी जीजीअक्काची भूमिका उत्कृष्टरित्या साकारली होती. आता अदिती देशपांडे नव्या भूमिकेत पाहायला मिळणार आहे.
हेही वाचा – प्रेमाची गोष्ट: “आपण नव्याने सुरुवात करुया…”, सागर मागतो मुफ्ताची माफी, पाहा व्हिडीओ
‘स्टार प्रवाह’ची लोकप्रिय मालिका ‘लग्नाची बेडी’मध्ये अदिती देशपांडे झळकणार आहेत. गेल्या दोन वर्षांपासून प्रेक्षकांचं मनोरंजन करत असलेल्या ‘लग्नाची बेडी’ मालिकेत अदिती या महत्त्वाच्या भूमिकेत पाहायला मिळणार आहेत.
दरम्यान, ‘लग्नाची बेडी’ ही मालिका लोकप्रियतेच्या शिखरावर आहे. सायली देवधर, रेवती लेले, संकेत पाठक, मिलिंद अधिकारी असे अनेक कलाकार आहेत. आता या कलाकारांच्या मांदियाळीत अदित देशपांडे नव्या भूमिकेतून पाहायला मिळणार आहेत.
हेही वाचा – Video: सुपरस्टार राम चरणच्या लेकीची ११ महिन्यांनंतर दिसली पहिली झलक, व्हिडीओ व्हायरल
याआधी अदिती देशपांडे यांनी अनेक मराठी, हिंदी मालिकांमध्ये काम केलं आहे. याशिवाय त्यांचे बरेच मराठी चित्रपट सुपरहिट झाले आहेत. ‘जोगवा’, ‘रेगे’, ‘पक पक पकाक’ ,’नॉट ओन्ली मिसेस राऊत’ यांसारख्या अनेक चित्रपटांमध्ये त्यांनी महत्त्वाच्या भूमिका सााकारल्या आहेत.
