‘कलर्स मराठी’ वाहिनीवरील ‘पिरतीचा वनवा उरी पेटला’ ही मालिका लोकप्रियतेच्या शिखरावर आहे. या मालिकेतील प्रत्येक पात्राने प्रेक्षकांना आपलंस करून घेतलं आहे. सावी-अर्जुनची जोडी हिट झाली आहे. अशातच मालिकेतील एक अभिनेता लग्नबंधनात अडकला आहे. अभिनेत्याच्या लग्नाचे फोटो, व्हिडीओ सोशल मीडियावर तुफान व्हायरल झाले आहेत.
‘पिरतीचा वनवा उरी पेटला’ या मालिकेतील बलराम म्हणजे अभिनेता हेमंत फरांदेने लग्नगाठ बांधून आयुष्याच्या नव्या प्रवासाला सुरुवात केली आहे. अभिनेत्याने मोनिका हेमंत हिच्याशी मोठ्या धुमधडाक्यात लग्न केलं. या लग्नसोहळ्याला ‘पिरतीचा वनवा उरी पेटला’ मालिकेतील कलाकार मंडळी उपस्थित राहिली होती. या सर्व कलाकारांनी हेमंतच्या लग्नात धमाल केली. हेमंत व मोनिकाच्या लग्नाचे व्हिडीओ ‘मराठी मनोरंजनविश्व’ या इन्स्टाग्राम पेजवर शेअर करण्यात आले आहेत.
लग्नासाठी हेमंत व मोनिकाने खास दोन लूक केले होते. सुरुवातीला दाक्षिणात्य लूकमध्ये दोघं पाहिला मिळाले. हेमंतने लुंगी व त्यावर गडद जांभळ्या रंगाचा शर्ट परिधान केला होता. तर मोनिकाने सोनरी रंगाची साडी नेसली होती. या साडीला हेमंतला मॅचिंग करण्यासाठी गडद जांभळ्या रंगाची किनारी होती. त्यानंतर दोघं वेगळ्या लूकमध्ये पाहायला मिळाले. सध्या हेमंत व मोनिकाला इतर कलाकार मंडळी शुभेच्छा देताना दिसत आहेत.
हेही वाचा – ‘रंग माझा वेगळा’ फेम अभिनेत्याने शिवानी सोनारसह गुपचूप उरकला साखरपुडा, अभिनेत्री फोटो शेअर करत म्हणाली…
दरम्यान, इन्स्टाग्रामवरील माहितीनुसार, हेमंत फरांदेची बायको मोनिका मेकअप आर्टिस्ट आहे. तिने काही चित्रपटांसाठी मेकअप आर्टिस्ट म्हणून काम केलं आहे.
