अभिनेत्री प्राजक्ता माळी ही मराठी मनोरंजन सृष्टीतील आघाडीच्या अभिनेत्रींपैकी एक आहे. फक्त अभिनयच नाही तर काही महिन्यांपूर्वी तिने स्वतःचा ज्वेलरीचा व्यवसायही सुरू केला. ‘प्राजक्तराज’ असं तिच्या ज्वेलरी ब्रँडचं नाव आहे. तर आता तिच्या या ब्रँडचे दागिने अभिनेत्री हर्षदा खानविलकर यांनी घातले आणि हे दागिने त्यांना कसे वाटले हे त्यांनी सांगितलं आहे.
गणेशोत्सवानिमित्त स्टार प्रवाहने एका खास कार्यक्रमाचे आयोजन केलं होतं. त्यावेळी स्टार प्रवाह वाहिनीवरील सर्व मालिकेतील कलाकार अगदी पारंपारिक वेशभूषेत आले होते. या कार्यक्रमाला अभिनेत्री हर्षदा खानविलकरही उपस्थित होत्या. त्यांनी काठापदराची साडी नेसली होती आणि त्यावर ‘प्राजक्तराज’चे पारंपरिक दागिने घातले होते.
आणखी वाचा : “मला सलमान खानशी लग्न करायचंय…” प्राजक्ता माळीचं वक्तव्य चर्चेत; म्हणाली…
या दागिन्यांबद्दल बोलताना त्या एका मुलाखतीत म्हणाल्या, “मी जे दागिने परिधान केले आहेत ते खूप खास आहेत कारण आपला इंडस्ट्रीत काम करणारी अत्यंत सुंदर अभिनेत्री प्राजक्ता माळी हिच्या ‘प्राजक्तराज’ या ब्रँडचे हे दागिने आहेत. नुकताच तिने हा नवीन ब्रँड सुरू केला आहे. मी हे दागिने घालण्यासाठी खूप उत्सुक होते, कारण पारंपारिक मराठमोळ्या दागिन्यांचा एक आबच वेगळा असतो. ते दागिने घातल्याशिवाय आपल्याला त्याची ऊर्जा जाणवत नाही. पण असे दागिने परिधान केल्यानंतर आपल्या स्वतःलाच एक मराठमोळा आणि राजेशाही फील येतो. मला आत्ता तसंच वाटत आहे. धन्यवाद ‘प्राजक्तराज’. हे दागिने खूप छान आहेत.”
हेही वाचा : प्राजक्ता माळीने खरेदी केलं नवीन घर, ‘असं’ आहे तिचं ड्रीम होम
फक्त हर्षदा खानविलकरच नाही तर आतापर्यंत अनेक कलाकारांनी प्राजक्ता माळीच्या ‘प्राजक्तराज’ या ब्रँडचे दागिने परिधान केले आहेत.
