मुग्धा वैशंपायन आणि प्रथमेश लघाटे यांची जोडी गेल्या काही दिवसांपासून प्रचंड चर्चेत आहे. काही महिन्यांपूर्वी सोशल मीडियावर रोमँटिक फोटो शेअर करत त्यांनी चाहत्यांसमोर प्रेमाची कबुली दिली होती. यानंतर नोव्हेंबर महिन्यात दोघांचा साखरपुडा पार पडला होता. आता लवकरच मुग्धा-प्रथमेश लग्नबंधनात अडकणार आहेत.
मुग्धा वैशंपायनच्या घरी नुकताच व्याहीभोजनाचा कार्यक्रम पार पडला. या दरम्यानचे खास फोटो गायिकेने सोशल मीडियावर शेअर केले आहेत. या खास प्रसंगी प्रथमेशने जांभळ्या रंगाचा कुर्ता व मुग्धाने लाल रंगाची धूपछाव साडी नेसली होती. याचे फोटो इन्स्टाग्रामवर शेअर करत गायिकेने याला “व्याहीभोजन!…” असं कॅप्शन दिलं आहे.
मुग्धा-प्रथमेशच्या या व्याहीभोजनाच्या फोटोंवर नेटकऱ्यांनी कौतुकाचा वर्षाव केला आहे. यातील एका नेटकऱ्याने या दोघांच्या फोटोवर, “मस्त जोडी आहे फक्त प्रथमेशला बोला जरा रोमँटिक असल्यासारखा दिस…सत्यनारायणाच्या पूजेला आल्यासारखा उभा राहू नको बाकी छान” असं लिहिलं होतं.
प्रथमेशने या नेटकऱ्यांनी स्पष्ट शब्दात प्रत्युत्तर दिलं आहे. तो लिहितो, “अण्णा…व्याहीभोजन ही परंपरा आहे आणि परंपरेसारख्या गोष्टीत कुठे रोमान्स घुसवत आहात राव? खूप गोंधळ झालाय तुमचा.”
दरम्यान, हे व्याहीभोजनाचे फोटो पाहून अभिनेत्री स्पृहा जोशीने लव्ह इमोजी कमेंट करत या जोडप्याला शुभेच्छा दिल्या आहेत. मुग्धा-प्रथमेशची पहिली भेट ‘लिटिल चॅम्प्स’च्या मंचावर झाली होची. या शोनंतर त्यांचे गाण्याचे अनेक कार्यक्रम व्हायचे. पुढे दोघांमध्ये चांगली मैत्री झाली, हळुहळू त्यांच्या मैत्रीचं रुपांतर प्रेमात झालं. आता लवकरच दोघेही लग्न करणार आहेत.
