Premachi Goshta Fame Apurva Nemlekar New Car : ‘रात्रीस खेळ चाले’ या मालिकेमुळे अभिनेत्री अपूर्वा नेमळेकर घराघरांत लोकप्रिय झाली. यामध्ये तिने साकारलेलं शेवंता हे पात्र प्रेक्षकांच्या आजही लक्षात आहे. सध्या अपूर्वा ‘प्रेमाची गोष्ट’ या मालिकेत सावनीची भूमिका साकारत आहे. हे पात्र खलनायिकेचं आहे. मुक्ता-सागरच्या संसारात दुरावा निर्माण करण्याचा सावनी पुरेपूर प्रयत्न करताना दिसते. अशा विविधांगी भूमिका साकारून प्रेक्षकांच्या मनात अपूर्वाने स्वत:चं वेगळं स्थान निर्माण केलं आहे.
अपूर्वा ( Apurva Nemlekar ) सोशल मीडियावर प्रचंड सक्रिय असते. तिचा चाहतावर्ग मोठ्या प्रमाणात आहे. नुकतीच एक पोस्ट शेअर करत अभिनेत्रीने तिच्या चाहत्यांना आनंदाची बातमी दिली आहे. रक्षाबंधन व श्रावणी सोमवारचं औचित्य साधत अभिनेत्रीने नवीन गाडी खरेदी केली आहे.
हेही वाचा : Video : लेकीला कडेवर घेत सासूसह दिल्या पोज! आलिया अन् राहा साजरं करणार रक्षाबंधन, मायलेकींचा पारंपरिक लूक चर्चेत
अपूर्वाने खरेदी केली नवीन गाडी
गाडी खरेदी करताना अपूर्वाचं ( Apurva Nemlekar ) संपूर्ण कुटुंब उपस्थित होतं. यावेळी नव्या गाडीची अभिनेत्रीने आपल्या कुटुंबासह पूजा केली. याची खास झलक तिने सोशल मीडियावर शेअर करत पोस्ट देखील लिहिली आहे. अपूर्वा लिहिते, “रक्षाबंधन आणि तिसरा श्रावणी सोमवार या शुभमुहूर्तावर आम्ही ही नवीन गाडी खरेदी केली आहे. याक्षणी मी माझ्या भावाला अन् वडिलांना प्रचंड मिस करतेय…Miss you terribly Bhai And Pappa”
अपूर्वा नवीन गाडी खरेदी केल्याचा व्हिडीओ शेअर करताच नेटकऱ्यांनी यावर कौतुकाचा वर्षाव केला आहे. तसेच मराठी कलाकारांनी देखील अभिनेत्रीला शुभेच्छा दिल्या आहेत.
हेही वाचा : Bigg Boss Marathi- “टास्कमध्ये कपडे खेचणं कितपत योग्य?” निक्की अन् जान्हवी ‘डर्टी गेम’ खेळतात; घराबाहेर येताच योगिता चव्हाणचा खुलासा
दरम्यान, अपूर्वा नेमळेकरच्या ( Apurva Nemlekar ) कामाबद्दल सांगायचं झालं, तर “आभास हा”, “रात्रीस खेळ चाले” या मालिकांमुळे ती घराघरांत लोकप्रिय झाली. ‘बिग बॉस मराठी’च्या चौथ्या पर्वाची अपूर्वा उपविजेती ठरली होती. सध्या अभिनेत्री ‘प्रेमाची गोष्ट’ या मालिकेत खलनायिका सावनीची भूमिका साकारत आहे.
