पृथ्वीक प्रताप लग्नबंधनात अडकल्यावर भेटीला पोहोचला प्रथमेश परब! नवीन जोडप्यासह शेअर केला फोटो; म्हणाला, “मेरे भाई…”

सध्या मराठी मनोरंजन विश्वातून पृथ्वीक प्रतापवर कौतुकाचा वर्षाव करण्यात येत आहे. ‘महाराष्ट्राची हास्यजत्रा’ या कार्यक्रमातील कलाकारांनी देखील त्याला खास पोस्ट शेअर करत शुभेच्छा दिल्या आहेत. अशातच पृथ्वीकचा ( Prithvik Pratap ) जवळचा मित्र असलेल्या अभिनेता प्रथमेश परबच्या पोस्टने सर्वांचं लक्ष वेधून घेतलं आहे.

आणखी वाचा

सूर्य देवाने शुक्रच्या राशीमध्ये केला प्रवेश! ‘या’ ३ राशींच्या लोकांना मिळणार अपार धन और पद-प्रतिष्ठा

24 October Horoscope : गुरुपुष्यामृत योग कोणत्या राशींसाठी…

“तिला वाचवा, ती मरेल”, एवढं बोलून प्रियकर कोसळला; रक्ताच्या थारोळ्यात प्रेयसीला पाहून प्रियकराचा ओढवला मृत्यू!

एका खोलीचं महिन्याचं भाडं फक्त एका वडा पाव एवढंच; कुणालाच बसत नाहीये विश्वास, फोटो बघाल तर म्हणालं असं घर हवं

कल्याणमधील तरुणीला अर्धवेळ नोकरीचे आमिष दाखवून १० लाखाला फसवले

आत्महत्या करण्यासाठी रेल्वे रुळाकडे धावली तरुणी, कर्मचाऱ्याने स्वत:चा जीव धोक्यात घालून वाचवले, धक्कादायक VIDEO VIRAL

सावत्र आईऐवजी जैविक आईचे नाव लावणे हा मुलीचा अधिकारच!

करिअरमध्ये मोठा ब्रेक घेतल्यानंतर पुन्हा नव्याने कामाची सुरुवात कशी करावी? ‘या’ गोष्टी लक्षात ठेवा

हेही वाचा : पृथ्वीक प्रतापच्या आयुष्यात आली प्राजक्ता! ‘महाराष्ट्राची हास्यजत्रा’च्या कलाकारांनी दिल्या शुभेच्छा; शिवाली परब म्हणाली…

प्रथमेश परबची खास पोस्ट

पृथ्वीक अन् प्राजक्ता यांचा लग्नसोहळा पार पडल्यावर नवजोडप्याला शुभेच्छा देण्यासाठी खास प्रथमेश परब गेला होता. या दोघांबरोबर त्याने सुंदर असा फोटो काढला. या फोटोला कॅप्शन देताना प्रथमेश लिहितो, “खूप खूप शुभेच्छा… मेरे भाई पृथ्वीक”. याशिवाय प्रथमेशची पत्नी क्षितीजा घोसाळकर हीने देखील पृथ्वीक-प्राजक्तासाठी खास पोस्ट शेअर केली आहे.

हेही वाचा : ‘महाराष्ट्राची हास्यजत्रा’ फेम पृथ्वीक प्रताप अडकला लग्नबंधनात, फोटो शेअर करत चाहत्यांना दिला सुखद धक्का

मोठ्या थाटामाटात हा सोहळा का केला नाही असं विचारल्यावर पृथ्वीक ( Prithvik Pratap ) म्हणाला, “मला आधीपासून हा क्षण अगदी साध्या पद्धतीने घरच्यांच्या सोबतीने साजरा करायचा होता आणि लग्नाचा सगळा खर्च आम्ही दोघे एका सामाजिक कारणासाठी वापरणार आहोत. आम्ही दोन मुलांच्या प्राथमिक शिक्षणाची जवाबदारी घेत आहोत. आमच्या लग्नाचा खर्च हा आम्ही या मुलांच्या शैक्षणिक खर्चासाठी करणार आहोत. खरंतर असं काही करून कोणाचं तरी आयुष्य अजून सुंदर बनवता येतंय यातच सगळं आलं आणि आमच्या लग्नाचं हेच बेस्ट गिफ्ट आहे असं आम्हाला वाटतं”

दरम्यान, ‘महाराष्ट्राची हास्यजत्रा’ या कार्यक्रमाच्या माध्यमातून अभिनेता पृथ्वीक प्रताप ( Prithvik Pratap ) घराघरांत लोकप्रिय झाला. सुरुवातीच्या काळापासून संघर्ष करत त्याने आज यशाचा एवढा मोठा पल्ला गाठला आहे. नुकतीच अभिनेत्याच्या आयुष्यात एक खास गोष्ट घडली होती ती म्हणजे पृथ्वीकने स्वत:ची पहिली गाडी खरेदी केली होती. आता अभिनेता लग्नबंधनात अडकल्यावर त्याच्यावर सर्व स्तरांतून कौतुकाचा वर्षाव करण्यात येत आहे.