Video: महेश मांजरेकरांनी अमित ठाकरेंना दिलेली चित्रपटाची ऑफर, नाव सांगत राज ठाकरे म्हणाले…

या कार्यक्रमात येऊन राज ठाकरे यांनी विविध गोष्टींवर मनमोकळा संवाद साधला. राज ठाकरे यांनी या कार्यक्रमामध्ये स्वतःला आणि इतरांना खुपणाऱ्या गोष्टींबद्दल भाष्य केलंच पण याचबरोबर त्यांना नेहमीच साथ करत आलेल्या त्यांच्या कुटुंबीयांबद्दलही ते भरभरून बोलले. राज ठाकरे यांचे सुपुत्र अमित ठाकरे हे महाराष्ट्र नवनिर्माण सेनेचे नेते आणि मनविसेचे अध्यक्ष आहेत. पण अमित ठाकरे यांच्या पर्सनॅलिटीकडे पाहून महेश मांजरेकर यांनी त्यांना एका चित्रपटाची ऑफर दिली होती, असं म्हणत तो चित्रपट कोणता होता, यावर राज ठाकरेंनी भाष्य केलं आहे.

आणखी वाचा : “उद्धव साहेबांची खुर्ची गेली तेव्हा तुम्हाला काय वाटलं?” राज ठाकरेंनी दिलं स्पष्ट उत्तर, म्हणाले…

अवधूत गुप्तेने या कार्यक्रमात राज ठाकरे यांना म्हटलं, “अमित हा अत्यंत गुणी आणि हँडसम मुलगा आहे. दिग्दर्शक म्हणून माझी नजर त्याच्यावर होती.” तर त्यावर राज ठाकरे म्हणाले, “महेशची नजर गेली होती ना. पण पहिल्याच चित्रपटाचं नाव सांगितल्यावर मी अमितला म्हटलं जरा थांब.” त्यावर अवधूतने विचारलं, “कोणता चित्रपट?” त्यावर राज ठाकरे म्हणाले, “एफ यू.” यानंतर “मी महेशला सांगितलं की, वडील बोलतोय तोवर ठीक आहे, पण मुलाला कशाला आणतोस त्याच्यात!,” असं राज ठाकरे गमतीत म्हणाले.

हेही वाचा : त्वचा फाटली, ओठांचे तुकडे झाले अन्…; राज ठाकरेंनी सांगितला पत्नी शर्मिला यांच्या बाबतीत घडलेला अंगावर काटा आणणारा प्रसंग

तर ‘खुपते तिथे गुप्ते’चा हा भाग प्रेक्षकांना उद्या दुपारी १२ वाजता ‘झी मराठी’वर पाहायला मिळेल.