रिअॅलिटी शो ‘बिग बॉस 17’ शेवटच्या टप्प्यात आहे. सलमान खान होस्ट करत असलेल्या शोमध्ये दररोज नवनवीन वाद व भांडणं पाहायला मिळत आहे. या शोमध्ये नुकताच फॅमिली वीक पार पडला. अंकिता लोखंडे आणि विकी जैन यांच्या आई या शोमध्ये आल्या होत्या. विकीच्या आईने शोमध्ये येऊन अंकितावर नाराजी व्यक्त केली होती. अंकिताने विकीला लाथ मारली तेव्हा विकीच्या वडिलांनी थेट अंकिताच्या आईला फोन केला होता, असा खुलासाही त्यांनी केला होता. याचं अंकिताला खूप वाईट वाटलं.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

यानंतर रश्मी देसाईपासून ऐश्वर्या शर्मापर्यंत आणि इतर कलाकारांनी अंकिताला पाठिंबा दिला आणि तिच्या सासूला सुनावलं होतं. आता राखी सावंतनेही एक व्हिडीओ शेअर करून अंकिताच्या सासूला फटकारलं आहे. एवढंच नाही तर राखीने अंकिताच्या सासूची तुलना रामायणातील कैकेयीशी केली आहे. याशिवाय सून व मुलाच्या संसारात ढवळाढवळ का करत आहात, असा प्रश्नही राखीने विचारला आहे.

आणखी वाचा

Video: विकी जैनच्या वडिलांनी अंकिता लोखंडेच्या आईची काढली लायकी, अभिनेत्रीचा खुलासा; पतीला म्हणाली, “तुझ्या घरात मला…”

राखी सावंत इन्स्टाग्रामवर व्हिडीओ शेअर करत म्हणाली, “मी अंकिताच्या सासूला हे सांगू इच्छिते की ‘सास भी कभी बहू थी’ (सासू कधी तरी सून होती) तुम्ही नवरा-बायकोच्या भांडणात का पडताय? एकदा तुमच्या मुलाने विक्कीने अंकिताशी लग्न केलं ना, मग तुम्ही त्यात का हस्तक्षेप करताय? सासूबाई शांततेत बसा ना. खा-प्या आणि ऐश करा सासूबाई.”

सासूबाईनंतर अंकिता लोखंडेच्या आईचाही तिने सुशांतचे नाव घेण्यावर आक्षेप, विकी जैनच्या कुटुंबाचा उल्लेख करत म्हणाल्या…

राखी पुढे म्हणाली, “अंकिताच ट्रॉफी जिंकणार आहे. अंकिता बिग बॉस जिंकणार आहे, ही माझी भविष्यवाणी आहे. आमची मराठी मुलगी अंकिताच शो जिंकणार आहे. मग तुम्ही आनंद व्यक्त कराल की माझी सून जिंकली, माझी सून जिंकली. असं करू नका अंकिताच्या सासूबाई. शांत बसा. तुमचा मुलगा आणि सून यांच्यात बोलू नका. सुनेचा आदर करा. मग तुमच्या मुलीचाही आदर केला जाईल.”

अंकिता लोखंडे शोमध्ये वारंवार करते एक्स बॉयफ्रेंड सुशांतचा उल्लेख; तिच्या सासूबाई म्हणाल्या, “ती त्याचं नाव घेऊन…”

राखी पुढे म्हणाली, “अंकिता माझी बहीण आहे. मी तुम्हाला तुमच्या घरी भेटले होते, तुम्हाला आठवतंय का? मी आले होते. तुम्ही मला देवीसारख्या वाटल्या होत्या. पण अचानक तुम्ही अशा कशा झाल्यात? कैकेयी होऊ नका. संसार उद्ध्वस्त करू नका. विकी चांगला मुलगा आहे. चांगला नवरा आहे. त्याला प्रेमाने सांगा की त्याच्या पत्नीला साथ दे. हे बिग बॉसचे घर आहे. इथे वाद आणि भांडणं होतच असतात. यात काय मोठी गोष्ट आहे? अंकिता तुमची सून नाही मुलगी आहे, तिला प्रेमाने ठेवा.”