Video: ‘रमा राघव’ फेम अभिनेत्री झळकणार ‘झी मराठी’च्या ‘नवरी मिळे हिटलरला’ या नव्या मालिकेत, पाहा प्रोमो

‘झी मराठी’ वाहिनीवरील ‘नवरी मिळे हिटलरला’ या नव्या आगामी मालिकेचा नवा प्रोमो समोर आला आहे. ज्यामध्ये ‘रमा राघव’ मालिकेतील लावण्या परांजपे म्हणजेच अभिनेत्री शीतल क्षीरसागर झळकली. शीतल या मालिकेत लीलाच्या मावशी आईच्या भूमिकेत पाहायला मिळणार आहे. लीला या मालिकेतील प्रमुख भूमिका आहे.

हेही वाचा – पूजा सावंत नवऱ्याबरोबर निघाली फिरायला, त्याआधी आईच्या हातच्या ‘या’ खास पदार्थाचा घेतला आस्वाद

अभिनेत्री शीतल क्षीरसागरच्या कामाबद्दल बोलायचं झालं तर, यापूर्वी ‘झी मराठी’च्या ‘माझी तुझी रेशीमगाठ’ या लोकप्रिय मालिकेत तिने काम केलं होतं. या मालिकेत ती सिम्मीच्या भूमिकेत झळकली होती. तिची ही भूमिका खूप हिट झाली होती.

हेही वाचा – लग्नाच्या सात दिवसांनी तितीक्षा तावडे परतली कामावर, ‘सातव्या मुलीची सातवी मुलगी’ मालिकेच्या सेटवर ‘असं’ झालं स्वागत

दरम्यान, ‘झी मराठी’ वाहिनीवर ‘नवरी मिळे हिटलरला’ या मालिकेत राकेश बापट हा प्रमुख भूमिकेत पाहायला मिळणार आहे. तसेच वल्लरी विराज, सानिका काशिकर, भुमिजा पाटील, शर्मिला राजाराम शिंदे असे बरेच कलाकार झळकणार आहेत. अद्याप ही मालिका कधीपासून आणि कोणत्या वेळेत सुरू होणार हे गुलदस्त्यात आहे.