‘झी मराठी’ वाहिनीवरील ‘रात्रीस खेळ चाले’ ही मालिका चांगलीच गाजली. त्यामुळे या मालिकेचे तीन भाग पाहायला मिळाले. या मालिकेतील पात्रांना प्रेक्षकांनी अक्षरशः डोक्यावर घेतलं होतं. आता ‘रात्रीस खेळ चाले’मधील माई म्हणजेच अभिनेत्री शकुंतला नरे यांची आता ‘स्टार प्रवाह’च्या लोकप्रिय मालिकेत एन्ट्री होणार आहे.
अभिनेत्री शकुंतला नरे या ‘रात्रीस खेळ चाले’च्या तिन्ही भागांनंतर अनेक मालिकांमध्ये विविध भूमिकेत पाहायला मिळाल्या. काही महिन्यांपूर्वी त्या ‘सन मराठी’वरील ‘शाब्बास सुनबाई’ या मालिकेत झळकल्या होत्या. त्यानंतर आता त्या ‘स्टार प्रवाह’च्या लोकप्रिय मालिकेत पाहायला मिळणार आहेत. याचा प्रोमो नुकताच समोर आला आहे.
हेही वाचा – रणबीर कपूर-कतरिना कैफच्या ब्रेकअपवर आलिया भट्टनं सोडलं मौन, म्हणाली, “मी अनेक ठिकाणी…”
सर्वांच्या लाडक्या माईंची एन्ट्री लोकप्रिय मालिका ‘मन धागा धागा जोडते नवा’मध्ये होणार आहे. या मालिकेत त्या आनंदीच्या आजीच्या भूमिकेत पाहायला मिळणार आहे. मालिकेत येताच क्षणी त्यांचा दरारा दिसणार आहे. मालिकेच्या नव्या प्रोमोमध्ये शकुंतला यांची झळक झाली आहे. मालिकेचा नवा प्रोमो ‘मराठी टीव्ही इन्फो’ या पेजवर शेअर करण्यात आला आहे.
हेही वाचा – “बंद करू नका…”, ‘नवा गडी नवं राज्य’ मालिका ऑफ एअर होतं असल्यामुळे प्रेक्षक नाराज, म्हणाले…
दरम्यान, अभिनेत्री दिव्या पुगावकर आणि अभिनेता अभिषेक रहाळकर यांची प्रमुख भूमिका असलेली ‘मन धागा धागा जोडते नवा’ ही मालिका काही महिन्यांपूर्वीच सुरू झाली. अल्पावधीत या मालिकेने प्रेक्षकांच्या मनात एक वेगळं स्थान निर्माण केलं. आज (१९ डिसेंबर) या मालिकेचे २०० भाग पूर्ण झाले आहेत.
