रेश्मा शिंदेचा नवरा आहे साऊथ इंडियन; सासरी गेल्यावर पहिला पदार्थ कोणता बनवला? म्हणाली, “सांबर राइस अन्…”

रेश्मा ( Reshma Shinde ) आणि पवनच्या लग्नाला मराठी कलाविश्वातील बरीच मंडळी उपस्थित राहिली होती. अभिनेत्रीने लग्नात आधी मराठमोळा आणि त्यानंतर दाक्षिणात्य लूक केल्याचं पाहायला मिळालं होतं. यावरून रेश्माचा नवरा साऊथ इंडियन असावा अशी चर्चा चालू होती. अखेर ‘लोकमत फिल्मी’ला दिलेल्या मुलाखतीत रेश्माने पवन हा साऊथ इंडियन असून तिचं सासर बंगळुरुला असल्याचं सांगितलं आहे.

हेही वाचा : ‘अशोक मा.मा.’ मालिकेतून ‘या’ अभिनेत्रीची एक्झिट, सोशल मीडियावर पोस्ट करत दिली माहिती, म्हणाली…

रेश्माने सासरी बनवले ‘हे’ पदार्थ

रेश्माला ( Reshma Shinde ) लग्नानंतर सासरी गेल्यावर तिने पहिला पदार्थ कोणता बनवला होता? असा प्रश्न विचारण्यात आला. यावर अभिनेत्री म्हणाली, “तिथे सगळे केळीच्या पानावर जेवतात. मी जेव्हा पहिल्यांदा गेले तेव्हा माझं असं झालं, अरे रोज सगळे केळीच्या पानावर जेवण करतात. कारण, त्यांच्या इथे रोज पंचपक्वान्न असतात खूप सुंदर जेवण असतं. पहिल्या दिवशी मी सासरी कोबीची भाजी, पुलाव राइस, सांबर राइस बनवला होता. याशिवाय फ्लॉवर-मटरची आणि भेडींची भाजी बनवली होती. याचबरोबर बीटाची कोशिंबीर सुद्धा सर्वांसाठी केली होती.”

“साऊथच्या जेवणात मी पहिल्याच दिवशी मराठी तडका लावला होता.” असं रेश्माने सांगितलं. तसंच पुढे, पवनला मराठी पदार्थ कोणकोणते आवडतात याबद्दल विचारलं असता, अभिनेत्री म्हणाली, “पवनला माझ्या आईच्या हातची शेवभाजी फार आवडते. याशिवाय सुमीतची ( घरोघरी मातीच्या चुली मालिकेतील हृषिकेश ) आई आणि बायको सुद्धा खूप सुंदर शेवभाजी बनवतात. पवनला आपल्याकडची मटकीची भाजी सुद्धा फार आवडते.”

हेही वाचा : “फ्लावर समझा क्या…”, म्हणत मराठी अभिनेत्रींचा ‘पुष्पा २’च्या गाण्यावर जबरदस्त डान्स! नेटकरी म्हणाले, “सोना-मोना…”

दरम्यान, रेश्मा शिंदेच्या ( Reshma Shinde ) लग्नाला मनोरंजन सृष्टीतले अनेक कलाकार उपस्थित होते. थाटामाटात लग्नसोहळा पार पडल्यावर आता पुन्हा एकदा अभिनेत्री कामावर परतली आहे. ‘घरोघरी मातीच्या चुली’ या मालिकेत सध्या ती जानकी हे पात्र साकारत आहे. येत्या काळात जानकीच्या आयुष्यात काय-काय ट्विस्ट अँड टर्न्स येणार, रणदिवे कुटुंबीय पुन्हा एकदा जानकी-हृषिकेशला स्वीकारणार का? या सगळ्या गोष्टी मालिकांच्या आगामी भागांमध्ये प्रेक्षकांना पाहायला मिळणार आहेत.