Bigg Boss संपल्यावर रितेश देशमुख पुन्हा परदेशात! दोन्ही भावांनी साजरा केला आईचा वाढदिवस, ‘त्या’ व्हिडीओचं होतंय कौतुक

रितेशने ( Riteish Deshmukh ) ‘बिग बॉस’ फिनाले पार पडल्यावर पुन्हा एकदा परदेशी रवाना झाला. सध्या ‘हाऊसफुल्ल ५’ चित्रपटाच्या शूटिंगसाठी संपूर्ण टीम लंडनमध्ये आहे. रितेश सुद्धा या बिग बजेट सिनेमाचा भाग असल्याने त्याला Bigg Boss संपल्यावर परदेशात जावं लागलं. परिणामी, आज तो त्याच्या आईच्या वाढदिवसाला सुद्धा उपस्थित नाहीये. मात्र, एक सुंदर व्हिडीओ शेअर करत अभिनेत्याने आपल्या आईसाहेबांना वाढदिवसाच्या शुभेच्छा दिल्या आहेत.

हेही वाचा : Bigg Boss 18 : पहिल्या आठवड्यातील नॉमिनेशन प्रक्रिया ‘अशी’ पार पडली, गुणरत्न सदावर्तेंसह ‘हे’ सदस्य झाले नॉमिनेट

रितेश देशमुखने शेअर केला सुंदर व्हिडीओ

रितेशचे दोन्ही भाऊ अमित व धीरज देशमुख राजकारणात सक्रिय आहेत. आज वैशाली देशमुख यांच्या वाढदिवसानिमित्त अभिनेत्याने एक सुंदर व्हिडीओ शेअर केला आहे. यामध्ये त्याचे दोन्ही भाऊ आईचं औक्षण करून त्यांचे आशीर्वाद घेत असल्याचं पाहायला मिळत आहे. रितेशने या व्हिडीओला ‘माऊली’ हे गाणं जोडून “वाढदिवसाच्या खूप शुभेच्छा आई! आय लव्ह यू” असं कॅप्शन दिलं आहे.

दरम्यान, रितेश देशमुखने ( Riteish Deshmukh ) शेअर केलेल्या या व्हिडीओवर नेटकऱ्यांसह बॉलीवूड कलाकारांनी कौतुकाचा वर्षाव केला आहे. अभिषेक बच्चन, मुश्ताक शेख, रवी जाधव, बॉबी देओल, राज कुंद्रा या सगळ्या सेलिब्रिटींनी कमेंट्मध्ये वैशाली यांना वाढदिवसाच्या शुभेच्छा दिल्या आहेत.

हेही वाचा : आधी वडिलांचा विश्वास नव्हता अन् आता…; धनंजयसाठी विजयी मिरवणूक! कोल्हापूरात पोहोचल्यावर घेतलं जोतिबाचं दर्शन

तर, रितेशने शेअर केलेल्या व्हिडीओवर “ही खरी आमच्या लातूरची संस्कृती आहे”, “वाढदिवसाच्या खूप सार्‍या शुभेच्छा आईसाहेब”, “भाऊ तुम्ही कुठे आहात आईच्या वाढदिवशी”, “सुंदर व्हिडीओ” अशा असंख्य प्रतिक्रिया देत नेटकऱ्यांनी देशमुख कुटुंबीयांचं कौतुक केलं आहे.