‘नांदा सौख्यभरे’ या मालिकेमुळे अभिनेत्री ऋतुजा बागवे घराघरांत लोकप्रिय झाली. मालिका, नाटक, चित्रपट अशा तिन्ही माध्यमांमध्ये काम करून अभिनेत्रीने प्रेक्षकांचं मनोरंजन केलं आहे. नुकतंच ऋतुजाने ठाण्यात हक्काचं घर घेत तिचं स्वप्न पूर्ण केल. ऋतुजा बागवेच्या नव्या घरातील फोटो सोशल मीडियावर प्रचंड व्हायरल झाले होते.
हेही वाचा : ‘ठरलं तर मग’ फेम जुई गडकरीने आजारपणामुळे गणपती बाप्पाला घातलं होतं ‘हे’ साकडं, खुलासा करत म्हणाली…
ऋतुजा बागवेने गृहप्रवेशाचे फोटो सोशल मीडियावर शेअर केले होते. यामध्ये तिच्या संपूर्ण घराची झलक नेटकऱ्यांना पाहायला मिळाली. ऋतुजाच्या घरातील एका भिंतीवर मोठ्या अक्षरांमध्ये विठ्ठलाचं नावं लिहिलेलं आहे. या ठिकाणी अभिनेत्रीच्या आई-बाबांनी कमरेवर हात ठेवून फोटो काढला आहे. या फोटोचं नेटकऱ्यांनी भरभरून कौतुक केलं. अभिनेत्री स्पृहा जोशीने या फोटोवर कमेंट करत “विठ्ठल-रखुमाईचा फोटो सर्वात गोड” असं लिहिलं होतं. तिने इन्स्टाग्रामवर याचा खास व्हिडीओ शेअर करत या सुंदर कलाकृतीमागची गोष्ट तिच्या चाहत्यांना सांगितली आहे.
ऋतुजा बागवे म्हणाली, “घर घेतल्यानंतर ते कसं सजवायचं हे मी तेव्हा ठरवलं नव्हतं. पण, एक गोष्ट नक्की ठरवली होती ती म्हणजे घरातील एका भिंतीवर सचिन गोताड यांच्याकडून विठ्ठलाची कलाकृती साकारून घ्यायची. माऊलींचा आशीर्वाद कायम राहावा ही एकच इच्छा होती आणि ती माझ्या जवळच्या मित्राने पूर्ण केली.”
हेही वाचा : आई-बाबांनी नव्हे तर ‘या’ व्यक्तीने ठेवलंय गश्मीरचं नाव, अभिनेत्याने स्वत: केला खुलासा
दरम्यान, ऋतुजाच्या आनंदात मनोरंजन विश्वातील अनेक कलाकार सहभागी झाले होते. या सर्वांबरोबरचे फोटो अभिनेत्रीने सोशल मीडियावर शेअर केले आहेत. कष्टाने हक्काचं घर घेतल्याने तिच्यावर कौतुकाचा वर्षाव करण्यात येत आहे.
