मराठमोळी ऋतुजा बागवे झळकणार हिंदी मालिकेत! ‘बिग बॉस’ फेम अभिनेत्याबरोबर साकारणार भूमिका, म्हणाली…

‘नांदा सौख्य भरे’, ‘ह्या गोजिरवाण्या घरात’, ‘एका लग्नाची तिसरी गोष्ट’ यांसारख्या मालिकांमधून लोकप्रिय झालेली अभिनेत्री ऋतुजा बागवे बऱ्याच काळाने मालिका विश्वात कमबॅक करणार आहे. पण, यावेळी ऋतुजा मराठी नव्हे तर हिंदी मालिकेत झळकणार आहे. अभिनेत्री लवकरच ‘माटी से बंधी डोर’ या ‘स्टार प्लस’वरील नव्या मालिकेत प्रमुख भूमिका साकारणार आहे. या नव्या कोऱ्या मालिकेत ऋतुजा ‘वैजू’ हे पात्र साकारेल. याचा प्रोमो लवकरच प्रेक्षकांच्या भेटीला येणार आहे.

आणखी वाचा

रीलस्टार डॅनी पंडितने केलं लग्न, त्याची ‘खऱ्या आयुष्यातील अर्धांगिनी’ पाहिलीत का?

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Video: शिवानी मुंढेकरचा मॉर्डन लूक व ‘या’ अभिनेत्याची होणार एन्ट्री; पाहा ‘मुरांबा’ मालिकेचा नवीन प्रोमो

छोटा पुढारी घन:श्यामने Bigg Boss मधून मिळालेल्या पैशांचं काय केलं? चाहत्यांना दिली आनंदाची बातमी, म्हणाला…

शहरातील गुन्हेगारी क्षेत्रात ‘बिट्स गँग’चा उदय, सत्ताधारी नेत्याच्या छत्रछायेत स्वप्निलचे दुष्कृत्य

उपेंद्र लिमयेंचा पहिला तेलुगू चित्रपट! थेट दाक्षिणात्य दिग्दर्शकाकडून कौतुक; म्हणाला, “सर कोणतीही भूमिका…”

“दादा लग्नाला या, जोरात कानात पिळा…”, धनंजयच्या व्हिडीओवर अंकिताच्या होणाऱ्या नवऱ्याची कमेंट, आभार मानत म्हणाला…

“देवमाणूस आहेत दादा…”, अजित पवार उपमुख्यमंत्री होताच सूरज चव्हाण पोहोचला मंत्रालयात! नव्या घराबद्दल म्हणाला…

हेही वाचा : “मेरे दो अनमोल रतन”, पती व लेकासाठी नम्रता संभेरावची खास पोस्ट, ‘नाच गं घुमा’बद्दल म्हणाली, “माझा रुद्राज…”

ऋतुजा बागवेची प्रतिक्रिया

‘माटी से बंधी डोर’ या लोकप्रिय मालिकेत ऋतुजाबरोबर हिंदी टेलिव्हिजन विश्वातील आघाडीचा अभिनेता व ‘बिग बॉस’ फेम अंकित गुप्ता प्रमुख भूमिका साकारणार आहे. त्याच्या पात्राचं नाव ‘रणविजय’ असं असेल. या नव्या मालिकेविषयी अभिनेत्री सांगते, “मी कित्येक दिवसापासून चांगल्या भूमिकेच्या शोधात होते. नाटक-सिनेमे करताना मला मालिकेत काम करायला पाहिजे असं नेहमी वाटायचं. पडद्यावर सतत दिसणं ही कलाकारांची गरज झालेली आहे. मालिका हे माध्यम कलाकाराला खूप काही देत असतं. मालिकाविश्व बाहेरुन सोपं वाटत असलं तरी, ते आम्हा कलाकारांसाठी खूपच आव्हानात्मक असतं. सातत्याने प्रेक्षकांचं मनोरंजन करायचं आहे, पण वेगळ्या भूमिका साकारायला मिळायल्या हव्यात. हे विचार सुरु असतानाच या मालिकेबद्दल विचारणा झाली.”

हेही वाचा : “संधीचं सोनं करणं म्हणजे…”, ‘रंग माझा वेगळा’ फेम अभिनेत्याने नम्रता संभेरावच्या ‘नाच गं घुमा’मधील कामाचं केलं भरभरून कौतुक, म्हणाला…

दिग्दर्शक, कथा आणि भूमिका या सगळ्याचा विचार करून मी ही मालिका स्वीकारली असं ऋतुजा बागवेने महाराष्ट्र टाइम्सला दिलेल्या मुलाखतीत सांगितलं. दरम्यान, ‘माटी से बंधी डोर’ या मालिकेचं दिग्दर्शन भीमराव मुडे करत आहेत. ही मालिका कन्नड मालिकेचा रिमेक असणार आहे. ऋतुजाला या नव्या भूमिकेत पाहण्यासाठी तिचे चाहते उत्सुक आहेत.